Vikan - 13.12.1962, Side 13

Borðskraut.
Margir eiga helgimyndir úr pappír
eða smálíkön úr gipsi, tré, eða öðrum
efnum, en erfitt er oft að koma þeim
svo fyrir að þær njóti sín. Ef þeim er
komið fyrir í stóru glasi, eins og sýnt
er hér á myndinni, getur það orðið
mjög skemmtilegt borðskraut. Þá er
settur sandur eða annað heppilegt efni
á botninn og myndunum komið þar
fyrir. Þarna má búa til alls konar
landslag með dýrum og húsum, t. d.
jólalandslag og kirkju, en á þessari
mynd eru það vitringarnir við jötu
Jesúbarnsins og er litlum grenigrein-
um komið fyrir í glasinu til þess að
gera það jólalegra.
JACKIE
skyrtupeysan
er framleidd úr 52% terrylene og 45% ull.
Fæst í cftirtöldum litum:
BHÚNUM, BRÚNSPRENGDUM og DÖKKBLÁUM.
Er væntanleg í verzlanir næstu daga.
Heildsölubirgðir:
Þórhallur Sigurjónsson
Þingholtsstræti 11. — Símar 18450 og 20920.
Jólatréð.
í stað þess að láta jólatréð standa í vatni, er heillaráð að setja það
strax í glyserinblöndu og láta það standa í henni þangað til það er
sett upp, en loka þá sárinu með fljótandi vaxi. Þegar komið er heim
með tréð, á að saga svolítinn bút af endanum, svo að tréð eigi auð-
veldara með að sjúga til sín vatn. Þá er ein matskeið af glyserini sett
í vatnsfötu og tréð látið standa þar fram á aðfangadag. Glyserinið
bindur vatnið, þannig að útgufunin verður minni og tréð fellir síður
nálarnar. Þegar það er tekið upp úr, er sárinu lokað með því að dýfa
því ofan í fljótandi vax eða stearin. Með þessu móti þarf tréð ekki
að standa í vatnsfæti, og fyrir afskornar greinar er þetta líka sérlega
heppilegt.
Jóladúkur.
Rauð silkibönd eru nauðsynlegir hlutir á hverju heimili fyrir jólin.
Þarna er einlitur borðdúkur gerður að sérkennilegum og skrautlegum
jóladúk, með því að festa silkibönd á sama hátt og sýnt er á myndinni.
Slaufa er sett á staðina, þar sem þau eru fest og lítil grenigrein í hverja
slaufu. Þarna er sama skreyting sett á einlitan lampaskerm.
BÚNINGUR
VIKAN 13