Vikan - 29.08.1963, Blaðsíða 19

Nú er önnur uppskera rabarbarans að
verða þroskuð, og þó að sú fyrsta sé
fíngerðari og ljúffengari, er sjálfsagt að
notfæra sér allan þann rabarbara, sem
kostur er á.
RABARBARA-HRÁSAFT.
6 kg rabarbari (helzt vínrabarbari),
5 1 vatn, 40 gr vínsýra, 4 gr bensosúrt
natrón, 250—500 gr sykur í hvern lítra
af saft, og 1 gr bensosúrt natrón.
Leggirnir þvegnir vel og skornir í
bita. Vatninu, vínsýrunni og 4 gr benso-
súru natróni hellt yfir og eitthvað lagt
ofan á, svo að leggirnir fljóti ekki upp.
Látið standa í þrjá daga, en þá er það
lagt í sigti og vatnið látið renna af í 2
tíma. Sykurinn látinn í og 1 gr af benso-
súru natróni í hvern lítra af saft. Hrært
í saftinni þar til sykurinn bráðnar. Bæta
má meiri sykri í ef saftin er of súr, en
að lokum er saftin síuð, flöskunum lokað
og geymdar á dimmum og fremur köld-
um stað.
SOÐIN RABARBARASAFT.
í hana má svo nota leggina úr hrá-
saftinni, sem eru þá soðnir með ca. 8 1
af vatni. Soðið í 15 mín. og síað vel. Syk-
ur settur í eftir smekk, þó ekki minna
en 1 kg.
SAFT ÚR RABARBARABLÖÐUM.
Blöðin eru þvegin vandlega, skorin
smátt og soðin í svolitlu vatni í hálftíma,
eða þar til þau eru komin í mauk. Síað
og saftin mæld. 600 gr sykur látinn í 1
1 af saft og soðið í 15 mín. Þessi saft er
ekki sterk, en það er ágætt að blanda
henni saman við aðra saft, eða nota hana
t. d. í litlausar súpur eins og hvíta sagó-
súpu, þar sem hún er næstum litlaus.
SAXAÐUR RABARBARI.
5 kg rabarbari, 2 gr bensosúrt natrón.
í þetta verður að velja beztu leggina
og varast að trénaðir leggir séu með.
Einn og einn leggur er hakkaður í hakka-
vél og bensosúru natróni hrært saman
við, en það hafi áður verið leyst upp í 2
matsk. af heitu vatni. Hellt á stútvíðar
flöskur, tappi settur í og lakkað yfir.
Geymist á köldum stað.
RABARBARABITAR í VATNI.
Rabarbari, 1 1 vatn, % gr bensosýra.
Leggirnir skornir í bita, lagðir í gler-
krukkur eins þétt og hægt er. Vatn soðið
og kælt aftur og í hvern lítra er sett %
gr bensosúrt natrón, sem hefur verið
leyst upp í svolitlu volgu vatni. Vatninu
hellt yfir rabarbarann og látið fljóta vel
yfir. Bundið yfir krukkurnar og geymd-
ar á köldum stað. Það verður að gæta
þess vel, að nota nákvæmlega það sem
uppgefið er af bensosúra natróninu, því
að annars getur komið of mikið bragð af
vatninu.
RABARBARASULTA.
Venjulega er notað jafnt af sykri og
rabarbara og þarf þá ekkert rotvarnar-
efni í sultuna. Aður fyrr var það
venjulega soðið í nokkra klukkutíma, en
nú á dögum oft ekki nema rúman
klukkutíma. Rabarbarinn verður að
liggja með sykrinum í nokkra klukku-
tíma áður en byrjað er að sjóða, svo að
sykurinn bráðni að mestu. Gott er að
hafa kanilstengur og negulnagla í sult-
unni, en líka má nota svolítið engifer (í
bitum). Börkur af sítrónu gerir einnig
gott bragð. Ef minni sykur er notaður,
verður að nota bensosúrt natrón, eða
atamon eða betamon.
RABARBARAMARMELAÐI
MEÐ FlKJUM.
Va kg rabarbari, 375 gr sykur, 8—10
gráfíkjur..
Leggirnir skornir í litla bita og látnir
liggja með sykrinum í 2 sólarhringa.
Fíkjurnar lagðar,, í..bleyti yfir nótt og
öllu síðan bland^ð saman og soðið í ca.
hálftíma eða þar til maukið er hæfilega
þykkt. Hrært í öðru hverju og froðan
tekin ofan af. Látið í glös og bundið yfir
þegar það er kalt.
RABARBARA-TÓMATMAUK.
1 kg tómatar og rabarbari, 750 gr
sykur.
Rauðir og grænir tómatar eru soðnir
með rabarbaraleggjunum og sykrinum
og síðan notað sem marmelaði og í
grauta.
RABARBARAMARMELAÐI
MEÐ GULRÓTUM.
Va kg rabarbari, Vi kg gulrætur, 1 kg
sykur, safi úr 2 sítrónum.
Gulræturnar skornar í þunnar sneiðar
Framhald á bls. 48.
Fljótgerðir
inniskór
Þessir inniskór eru bæði þægi-
legir og léttir og mjög auðvelt að
búa þá til.
Mál er tekið af fætihum, og
sóli klipptur út eftir því, í eitt-
hvert mjúkt efni, svo sem flóka
eða svampþynnu.
Er sólinn síðan saumaður neð-
an á venjulegar prjónaðar hosur.
Nauðsynlegt er, að sólarnir séu
úr mjúku efni, svo skórnir falli
vel að fæti.
Þá eru þeir líka þægilegir og
enginn hávaði verður, þótt
krakkarnir dragi sólana eftir
gólfunum, þegar þau eru að leika
sér inni.
Bendlaband er saumað yfir
samskeyti hosu og sóla, og með-
fylgjandi mynztur saumað með
ullargarni, í tveim til þrem lit-
um. *
VIKAN 35. tbl. — jg