Vikan - 12.01.1967, Blaðsíða 29

Taktu mig með til
köldu Evrópu
Framhald af bls. 9.
setja sig fyrst, taka meðal gegn
malaríu daglega meðan þeir eru
í landinu og í viku eftir heim-
komuna, ef þeir skyldu hafa
verið bitnir af flugum.
— Hverjir eru helztu keppi-
nautar okkar í skreiðarbiss-
nissnum?
— Það eru Norðmenn. Þeir
selja mikið til Nígeríu, sérstak-
lega til vesturlandsins, Lagos og
þar um kring.
— Þar búa Jorúbar. Hvernig
fólk er það?
— Þeir eru stórum verra fólk
við að eiga en íbóar, brögðótt-
ir og svikulir. Það er óhætt að
segja, að þeir kunni alla þá
klæki, sem búnir hafa verið til
í þessum synduga heimi. Einn
af siðum þeirra er sá, að rista
upp á sér kinnarnar. Eru rist-
urnar mismargar eftir því, frá
hvaða héraði þeir eru.
— Ef þetta væri siður hér-
lendis, myndu þá t.d. Þingey-
ingar rista á sig eina ristu, Hún-
vetningar tvær, Austfirðingar
þrjár o.s.frv.
— Jú, líklega.
— Segðu okkur fleira af
landsins siðum.
— Þeir ástunda fjölkvæni,
nema þeir, sem kristnir eru.
Einn helzti viðskiptavinur minn,
sem á heima í borginni Kalabar,
á þannig tíu konur og eitthvað
um þrjátíu börn; hann er ekki
alveg viss í tölunni.
— Er Lagos myndarleg borg?
— Hún er nýtízkulegasta borg-
in í landinu. Þar hefur imdan-
farið verið byggt geysimikið af
stórhýsum, sem í engu gefa eftir
byggingum í Evrópu og Ameríku.
Uppbyggingin er ekki minni þar
en hér.
— Hvernig er menntunar-
ástandið í landinu?
— Það fer stórbatnandi. Al-
menn skólaskylda hefur komið
til framkvæmda, í borgum að
minnsta kosti. Það er stór há-
skóli í Ibadan, og auk þess er
fjöldi nígerískra stúdenta við
nám erlendis.
— Hverjar eru helztu útflutn-
ingsvörur landsins, auk olíimn’-
ar?
— Þeir flytja út kókó, kaffi,
jarðhnetur, gúmmí, timbur og
margt fleira. Á innflutningslist-
anum er stærsti liðurinn vélar
og allskyns iðnvarningur.
— Hvernig eru lífskjör al-
mennings?
— Vinnulaun eru mjög lág, en
verðlag á mörgum matvörum er
það líka. Um hungur er ekki að
ræða í þessu landi, því ávextir
spretta þarna eins og arfinn í
görðunum hjá okkur. En bæti-
efnaskortur er algengur, það er
auðséð á því, hvað maður sér
þarna marga kræklótta. Þeir
FALLEGT . . . ELEGANT . . . SÉRSTÆTT . . .
NÝICAMEO TÍZKU-
LITURINN FRÁ AVON
Ennþá ein nýjung
frá AVON
Gimsteinn í varalitum, kvenlegur og fóséður [
sinni sígildu einfeldni. Hvítt hylki á gylltum grunni
með smekklegu „Cameo" mynstri.
Avon varalitur er mjúkur og léttur í notkun. Velj-
ið úr 27 tízkulitum í þessum glæsilegu „Cameo"
hylkjum.
Avon cosmETics ltd
NEWYORK • LONDON • PARIS
EX7-66-EA.
vita sjálfir að þá vantar meiri
fjölbreytni í fæðið, að þeir þurfa
að borða meira af fiski og kjöti.
Þetta hefur greitt fyrir skreið-
arviðskiptunum við þá, og eng-
inn vafi er á því, að þeim sam-
böndum er hægt að halda, ef við
leggjum áherzlu á að spilla þeim
ekki. Skreiðarmarkaðurinn í
Nígeríu er sérstaklega mikilvæg-
ur vegna þess, að önnur ríki á
þeim slóðum eru of fátæk og
fámenn til að þar sé grundvöllur
fyrir verulegum markaði, og
ítalir kaupa aðeins það bezta,
eins og ég gat um áðan. Það
yrði því annað en gaman að fá
einhverja til að kaupa okkar
„svörtu skreið", ef Nígeríumenn
hættu því. dþ.
Að fortíð skal hyggja
Framhald af bls. 28.
þeirra hugmyndum og stefnu,
funktionalismanum.
— Hvert er aðalinntalc þeirrar
stefnu?
— Það er erfitt að skýra í fá-
um orðum. En látum okkur sjá:
Nútíma byggingalist er afsprengi
iðnvæðingarinnar. Með henni
koma til sögunriar ný efni: stein-
steypa, stálgrindurnar, sem gáfu
möguleika til að opna húsin fyrir
birtu og skapa form, sem tilheyra
fyrst og fremst okkar tíma og
eru uppreisn gegn þeirri stefnu
sem fyrir var og komin var í ó-
göngur. f þeirri stefnu kom ekki
fram nein tilraun til að skilja
hinn nýja tíma og hún birtist í
ofhlæði og eftiröpun. Við höfum
þó nokkur dæmi um slíkt hér í
Reykjavík, svo sem Landsbank-
ann í renessansstíl og Landakots-
kirkju í gotneskum stíl.
í sambandi við hina nýju
stefnu í arkitektúr varð að taka
tillit til þess, að gagngerð bylting
hafði orðið á efnhag almennings.
Fyrr meir var aðeins byggt fyrir
ríka fólkið, og byggingastílar
miðuðust því við efni og þarfir
þess. En nú orðið hefur almenn-
ingur einnig efni á því að búa í
mannsæmandi húsum. Þeir Le
Corbusier og Gropius urðu fyrstir
manna til að teikna fjölbýlishús
og ráðhús, sem eru fyrst og
frmst eru ætluð milli- og lág-
stéttum. Það var því fólgin í
funktionalismanum félagsleg
bylting. Og áhrif þessarar stefnu
hafa náð langt út fyrir arkitekt-
úrinn, fyrst og fremst fyrir til-
verknað Gropiusar og Þjóðverja,
sem hafa haft forystuna í þessari
nýsköpun frá upphafi. Frakkar
voru miklu áhugaminni og að-
gerðarlausari um þessi mál; Le
Corbusier gerði lengi vel ekki
annað en skrifa bækur, enda
sköpuðu landar hans honum ekki
skilyrði til annars.
— En hvað um Englendinga?
Hjá þeim hófst þó iðnvæðingin.
— Hún hófst í Englandi með
iðnbyltingunni, en Þjóðverjar
móderníseruðu hana. Þjóðverjar
2. tbi. VIKAN 29