Vikan - 23.07.1970, Blaðsíða 3

30. tölublað - 23. júlí 1970 - 32. árgangur
í ÞESSARI VIKU
Sá tónlistarviðburður nýliðinnar Listahátiðar í
Reykjavík, sem flestir sóttu og mest
veður var út af gert, voru hljómleikar
pophljómsveitarinnar Led Zeppelin.
Unglingarnir vöktu sumir heila nótt í biðröð
til þess að fá miða og alls munu rúmlega
5000 manns hafa hlýtt á fjórmenningana.
í þessu blaði birtum við skemmtilega
myndaseríu frá þessum einstæðu hljómleikum.
í síðasta blaði hófst athyglisverður
greinaflokkur um mesta listaverkafalsara
aldarinnar, Elmyr. í öðrum hlutanum segir
m.a. frá þvi er Elmyr gekk á fund Pauls
Rosenbergs, sem var Frakki og fulltrúi
Picassos í New York. Hann þekkti snillinginn
Picasso betur en nokkur annar, en samt
lét hann blekkjast.
„Faðir minn dó snemma að sunnudagsmorgni
í júlí. Hann hafi legið lengi sjúkur og
krafizt mikillar umönnunar. Við vorum öll
við útförina, svartklædd. Ellen var
róleg, drengirnir hnípnir og sjálf var ég
dauðþreytt eftir að áralangri byrði hafði
verið velt af herðum mínum .. ." Þannig hefst
ný framhaldssaga, Arfur og örlög eftir Patricia
Wentworth, en fyrsti kaflinn birtist nú.
I NÆSTU VIKU
í næsta blaði birtir Vikan sérstaka sumarsögu,
íétta og skemmtilega, og munu fleiri
slíkar fylgja á eftir. Þessi saga er eftir engan
annan en sjálfan meistara smásagnanna,
Guy de Maupassant. Hún heitir Marroca og
fjallar um ástarævintýri höfundar í Afriku.
„Hann er tákn þess sem koma skal í
Ameríku. Sumir vilja líkja honum við John F.
Kennedy. Hann hefur mikla persónutöfra
til að bera, er víðsýnn og fær fólk
til að hlusta á sig." Þannig hefst grein
um blökkumanninn Carl B. Stokes, fyrsta
þeldökka borgarstjórann í Bandaríkjunum.
Hann stýrir stórborginni Cleveland í
Ohio-fylki, og þvi er spáð að hann verði
varaforsetaefni demókrata 1976.
í júnimánuði siðastliðnum dvaldist hér á
landi hárgreiðslumeistarinn Perry Wangsmo á
vegum Hárgreiðslumeistarafélags íslands
og fyrirtækisins Halldórs Jónssonar hf.
Hann kom hingað til að kynna íslenzkum
hárgreiðslukonum helztu nýjungar í
klippingu, litun og hárgreiðslu. í næsta blaði
birtum við margar myndir af Perry
Wangsmo, þar sem hann er að greiða þekktum
íslenzkum stúlkum frá Módelsamtökunum.
F0RSÍÐAN Frá hljómleikum hinnar heimsfrægu pophljómsveitar Led Zeppelin í
Laugardalshöllinni. Sján nánar inni í blaðinu. (Ljósmynd Egill Sigurðsson).
í FULLRI ALVÖRU
HÁTÍÐIR 0G VEÐRÁTTA
Sjaldan hefur félagslif verið líflegra hér í höf-
uðborginni en á þessu sumri. Fyrst kom Lista-
hátíðin, og hefur ekki í annan tíma verið blóm-
legra menningarlíf hér en þá daga, sem hún stóð
yfir. Heimsfrægir erlendir listamenn gistu landið
næstum daglega og kvöld eftir kvöld gafst borg-
arbúum kostur á að vera viðstaddir listræna við-
burði, eins og þeir gerast beztir úti i heimi. Og
varla var Listahátíð lokið, þegar hófst umfangs-
mesta íþróttahátíð sem hér hefur verið haldin.
Hún einkenndist líka af heimsóknum erlendra
gesta, sem ævinlega verka örvandi á íþróttalifið
a!m?nnt.
Draumurinn um listahátíð er ekki nýr af nálinni,
þótt ekki hafi tekizt að gera hann að veruleika
fyrr en nú. Þrátt fyrir ýmsa örðugleika, sem sum-
ir hverjir voru ófyrirsjáanlegir, verður ekki annað
sagt en þessi fyrsti alþjóðlega listahátíð okkar
sagt en þessi fyrsta alþjóðlega listahátið okkar
synlegt að taka til endurskoðunar að fenginni
reynslu, og verður það væntanleqa gert áður en
næsta hátið fer fram eftir tvö ár. Höfuðvandi
slikrar hátiðar er sá að sameina svo að vel fari
hið alþjóðlega og innlenda. Okkur nægir engan
veginn að halda hátíð, sem frægir erlendir lista-
menn bera uppi, heldur ber henni ekki síður að
örfa innlenda listsköpun. Oneitanlega var hlutur
erlenda listafólksins of áberandi að þessu sinni
og okkar eigin framlagi var ekki gefinn gaumur
sem skyldi.
Hið eina sem skyggði á þessar hátíðir var veðr-
áttan. Sæmilegt veður var reyndar dag og dag,
meðan Listahátíð stóð yfir, en þegar að íþrótta-
hátiðinni kom, spilltist það svo með eindæm-
um hlýtur að teljast. íþróttamenn þurftu að keppa
í kulda og roki og samtímis máttu innlendir og
erlendir ferðalangar þola hríðarveður á fjöllum
uppi — og það á miðju sumri!
Löngum hefur verið valt að treysta veðrátt-
unni hérlendis, en það er engu likara en hátta-
lag veðurguðanna gerist undarlegra með hverju
ári. Það er eins og sumar í eiginlegri merkingu
sé hætt að koma hér, en með því var þó alltaf
reiknað til skamms tíma. Arstiðaruglingurinn er
crðinn svo alger, að starfsmenn Vegagerðarinnar
þurfa að vinna að snjóruðningi á heiðavegum í
miðium júlí og segjast aldrei hafa stundað þá
iðiu á þessum tíma fyrr. G.Gr.
VIKAN
Utgeíandi: Hilmir hí. Ritstjóri: Gylfi
Gröndal. BlaSamenn: Dagur Þorleifsson. Matthildur
Edwald og Ómar Valdimarsson. Útlitsteikning: Hall-
dóra Halldórsdóttir. Auglýsingastjóri: SigríSur Ól-
afsdóttir. — Ritstjórn, auglýsingar, afgreiðsia og
dreifing: Skipholti 33. Símar 35320 — 35323. Pósthólf
533. Verð í lausasölu kr. 50,00. Áskriftarverð er 475
kr. fyrir 13 tölublöð ársfjórðungslega, 900 kr. fyrir
26 tölublöð misserislega. — Áskriftargjaldið greiðist
fyrirfram. Gjaldd. eru: Nóv., febrúar, mai og ágúst.
30. tbl.
VIKAN 3