Vikan - 23.07.1970, Blaðsíða 22

Glóðarsteiking ryður sér æ meira til rúms
hérlendis, hvort heldur er innandyra eða
utan. Það að „grilla“ (glóðarsteikja) þýðir að
steikja við mjög háan hita, sem venjulega
eru infrarauðir geislar. Glóðarsteikingin ger-
ir matinn safaríkari, fallegri og auðmeltari,
og allt bragð af matnum kemst betur til skila.
Segja má að fjölbreytnin geti verið óendan-
lega mikil með glóðarsteiktan mat, svo sem
í meðlætinu, sem með honum er borið. Með
glóðarsteiktum mat má bera hrísgrjón, spag-
hetti, kartöflur meðhöndlaðar á alla mögu-
lega vegu eða bara hveitibrauð, og salat
hreinlega tilheyrir öllu glóðarsteiktu.
Glóöarsteiktur
kjúklingur
1—2 kjúklingar
steinselja
V2 sítróna
1 tsk. salt
V4 tsk. pipar
1 msk. olía
1 msk. tómatkraftur
1 tsk. rósmarin.
Kjúklingarnir þerraðir vel og
nuddaðir með sítrónu og helmingn-
um af kryddinu. Steinseljan sett inn
í og kjúklingarnir bundnir upp. Setj-
ið þá á tein og steikið t ca. 40 mín'-
útur. Penslið oft meðan á steikingu
stendur með blöndu af olíu, salti,
pipar, tómatkrafti og rósmarin. Ber-
ið fram franskar kartöflur og grænt
salat.
Glóðarsteikt hvalkjöt
500 gr hvalkjöt
sósa:
1 hvítlauksbátur (rifinn)
4 msk. ekta soya
2 msk. olía
salt, pipar
tómatbaunir.
Skerið hvalkjötið í þunnar sneið-
ar. Leggið sneiðarnar flatar á rist og
penslið vel með sósunni. Glóðar-
steikið í ca. 3 mínútur á hvorri hlið.
Kryddið vel með salti og pipar og
klippið graslauk yfir. Berið fram
tómatbaunir með.
Qlóðarstdkíur matur
er góðgœti
Náttverður
piparsveinsins
4 sneiðar ristað brauð
4 buffsneiðar
4 rauðir tómatar
4 sneiðar flesk
4 piparhulstur
4 sultaðar agúrkur
perlulaukur
ólífur
olía, salt og pipar eða grillsósa.
Buffsneiðarnar steiktar í 2—4
mínútur á hvorri hlið og fer steik-
ingartíminn eftir því hve rautt að
innan kjötið á að vera. Tómatarnir
steiktir í nokkrar mínútur. Flesk-
sneiðarnar rúllaðar upp og steiktar
augnablik. Setjið síðan á tein, ólívu,
lauk, agúrku, pipar, flesk, tómat og
stingið niður í buffsneiðina, sem
sett hefur verið á ristaða brauðið.
Buff með sósu
4 buffsneiðar
olía eða bráðið smjör
salt, pipar
4 ristaðar brauðsneiðar
dálítið kjötsoð
sósa:
1 dl remoulaðisósa
ca. 1 msk. tómatkraftur
1 msk. tómatsósa.
Pennslið buffsneiðarnar með olíu
eða bráðnu smjöri og steikið. Ristið
brauðsneiðarnar til hliðar á glóðinni
þar sem hitinn er minni. Stráið salti
og pipar á kjötið fullsteikt. Bragðið
remoulaðisósuna til með tómatkrafti
og tómatsósu.
Vætið ristaðar brauðsneiðarnar
með örlitlu af kjötsoði og leggið
buffsneið á hverja brauðsneið og
setjið sósutopp yfir:
Til tilbreytingar:
Pennslið buffsneiðarnar með sósu
úr 2 msk. bráðnu smjöri, 1 msk.
chilisósu, salti og pipar, eða marin-
erið kjötið í 3 dl af rauðvíni, 1 dl
af olíu, 2 rifnum hvítlauksbátum og
1 tsk. salti. Látið buffið'liggja í þess-
um legi í ca. 1 klst. áður en steikt er.
Umsjón:
Dröfn H. Farestveit,
húmæðrakennari
22 VIKAN 30- tbl-