Vikan - 01.12.1996, Blaðsíða 2

S40
Nýir gæðingar frá
Volvo vekja athygli
Það sætir alltaf tíðindum þegar nýjar gerðir af
Volvo líta dagsins Ijós. S40 og V40 eru nýir bílar
frá Volvo og er þegar Ijóst að þeir eru að leggja
upp í óslitna sigurför.
Þetta eru bílar sem þú hrífst af strax við fyrstu
kynni, enda framleiddir með það í huga að heilla
þig upp úr skónum og standa síðan undir öllum
þínum væntingum um fallegan, skemmtilegan,
öruggan, öflugan og nútímalegan bíl.
Strax í fyrstu ferð finnst þér þú geta ekið þeim
endalaust. Þú finnur fyrir aflinu og einstakri
rásfestu og færð samstundis á tilfinninguna að
þessum bílum getir þú treyst í botn. Og ekki dregur
úr þeirri tilfinningu að þú veist að öryggis-
búnaðurinn er sá öflugasti í þessum stærðarflokki
bíla; hið einstaka SIPS kerfi og hliðarbelgir í
framsætum - svo fátt eitt sé nefnt.
Ánægjan af akstrinum kemur skemmtilega á óvart,
enda varst það þú sem ákvaðst samsetningu
bílsins, eins og aðrir Volvo-kaupendur.
Og ekki þurftir þú að bíða lengi.
Manneskjan er aðalatriðið
Hver manneskja er aðeins til í einu eintaki og því hlýtur
öryggi að vera efst á forgangslista bílkaupenda. Eitt af mörgum
markmiðum sem Volvo setti sér með S40 og V40 var „öruggasti
bíll í heimi“ í þessum flokki.
Það tókst. Sem dæmi um árangurinn má nefna að ADAC,
samtök þýskra bíleigenda, telja SIPS bestu hliðarárekstrar-
vörn í heimi. Volvo S40 og V40 eru einmitt búnir SIPS og
hliðarbelgjum, þeir einu sinnar tegundar í heimi af þessari
stærð.Til að ná þessu studdist Volvo við áratuga rannsóknir
á yfir 50 þúsund umferðarslysum. Það hefur einfaldlega enginn
aðra eins reynslu.
Umhyggja fyrir umhverfinu
Volvo lætur sig umhverfið miklu varða. Sem dæmi má nefna
að við framleiðslu á S40 og V40 var stuðst við sérstaka
aðferð, Environment Priority System (EPS) til að reikna út
heildarmengunaráhrif bílsins, frá „vöggu til grafar." Þannig
er auðveldara að draga með markvissum hætti úr
mengunaráhrifum við framleiðslu, notkun og eyðingu. Sem
dæmi um hversu vel hefur tekist til má nefna að 90% af
Volvo S40 og V40 eru endurvinnanleg, en það er hærra
hlutfall en samtök evrópskra bílaframleiðenda hafa sett sér
árið 2002. Með því að velja Volvo leggur þú þitt af mörkum
við umhverfisvernd.
VOLVO
BIFREIÐ SEM ÞU GETUR TREYST!