Vikan - 01.12.1996, Blaðsíða 44
SJALDAN FELLUR
EPLID LANGT FRÁ
EIKINNI
„Ég er alin upp innan um
mikiö af blómum. Pabbi rak
Blómamiðstöðina í langan
tíma og ég var þar alltaf
meira og minna með annan
fótinn. Þegar ég var lítil fékk
ég strax mikinn áhuga á
plöntum og maður getur jú
stöðugt á sig blómum bætt,
ekki satt? Það geri ég að
minnsta kosti og finn mig vel
í þessu starfi. Starf föður
míns hafði óneitanlega þau
áhrif á mig að ég ákvað að
leggja þetta fyrir mig. Bróðir
minn fór aftur á móti í við-
skiptafræði. Það hefur komið
sér vel fyrir mig og minn fyr-
irtækjarekstur því hann hefur
verið mér innan handar í
bókhaldinu. Svo er maðurinn
minn tölvufræðingur og
kunningjar okkar í auglýs-
ingageiranum þannig að ég
hef fullt af góðu fólki í kring-
um mig sem ég get leitað til
varðandi reksturinn. Sjálf sé
ég fyrst og fremst um blóm-
in. Þetta er skemmtilegt og
fjölbreytt starf. Ég ræð að
mestu mínum vinnutíma sjálf
og það er auðvitað mjög
þægilegt því við eigum tvö
lítil börn, Þór, sem er 7 ára,
og Sigrúnu Stefaníu sem er
5 ára. Það má í raun segja
að hingað til hafi ég unnið f
skorpum og ef sérstaklega
mikið hefur verið að gera hef
ég fengið aðstoö, annað-
hvort hjá vinunum eða fjöl-
skyldunni. Þorvaldur, maður-
inn minn, er orðinn ansi
naskur á plönturnar og þekk-
ir orðið vel hvað þær þurfa.
En nú finnst mér krakkarnir
okkar orðnir það stórir að
mér finnst ég reiðubúin til að
hella mér út í starfið af enn
meiri krafti. Hingað til hef ég
rekið Blómaþjónustuna ein-
göngu með aðstoð fjölskyld-
unnar en ef vinnan eykst til
muna þá kem ég náttúrlega
til með að ráða til mín starfs-
kraft. Þetta kemur allt í Ijós
með tímanum. „Ástdís segir
að nú til dags hafi fólk mik-
inn áhuga á plöntum og að
þær séu almennt taldar til
mikilla bóta bæði fyrir heimili
og fyrirtæki. Það sem gleym-
ist hins vegar oft sé að plönt-
ur geti þjónað margvíslegum
tilgangi. Hún bendir á að á
síðari árum hafi vanlíðan
fólks á vinnustöðum aukist
mikið þrátt fyrir hlýrri íveru-
staði og bættan aðbúnað.
Ótvírætt hafi komið í Ijós að
mikil einangrun húsa og
notkun plastefna, tölva,
prentara og Ijósritunarvéla
spilli andrúmsloftinu.
VARAÞURRKURINN
HÆTTI EFTIR AÐ
PLÖNTURNAR KOMU
„Lausnin á þessum vanda
getur falist í þvf að nota
plöntur. Þær eru lifandi loft-
síur og tilvalin rakatæki.
Þetta vita kannski ekki marg-
ir. Ég veit um nokkur dæmi
þess að fólk hafi fundið tals-
verðan mun á vinnuumhverfi
sínu eftir að plöntum var þar
komið fyrir. í sumum tilfellum
hætti fólk að fá varaþurrk og
varð ekki eins þurrt í hálsin-
um. Blómin skiptu sköpum
og tóku til sín vonda loftið.
„En skiptir það máli hvar
plöntunum er komið fyrir í
byggingum? „Já, það skiptir
miklu máli. Oft er það þannig
að ég fæ teikningar í hend-
urnar frá arkitektum þar sem
fyrirfram hefur verið ákveðið
hvar plöntum skal komið fyrir
í fyrirtækjum. Síðan kem ég
til leiks, lít á staðhætti og
kanna hvort hentugt sé að
hafa gróður þar sem arki-
tektarnir ákváðu. Stundum
er það í lagi en oft gengur
það ekki upp þar sem taka
verður mið af lýsingu og
öðru á staðnum. Það verður
að taka tillit til þess hvaða
plöntur henta á hverjum
stað. Maður setur til dæmis
ekki sömu plöntur i norður-
og suðurglugga bygginga. í
norðurglugga kæmi til greina
að hafa plöntur sem þola illa
mikla sól, s.s. fíkusa og aðr-
ar skuggsælar plöntur, t.d.
inni á skrifstofum. í suður-
glugga væri betra að hafa
plöntur sem þola mikla sól.
Pálmar væru t.d. ekki hent-
ugir í suðurglugga þar sem
blaðendar þeirra gætu
brunnið. Ég verð líka að
hugsa um hvaða plöntur ég
set saman í ker því þær
verða að þola sömu vökvun.
Ég notast ekkert við sjálf-
vökvunarkerfi því ég vil sjálf
sjá um blómin og fylgjast
með því sem ég set upp.
Það kemur fyrir að ég set
upp ker hjá fyrirtæki sem ég
kem aldrei aftur til með að
annast. En oftast er um það
að ræða, þegar ég geri til-
boð og því er tekið, að ég
annist eftirlit og umsjón með
kerjunum. Ég reyni yfirleitt
að nota plöntur, sem eru
ræktaðar hér á landi, því
þannig er minni hætta á
sjúkdómum. Stundum hafa
starfsmenn komið með
plöntur heiman að frá sér,
begóníur eða aðrar sumar-
plöntur, og það hafa komist
óþrif af þeim i kerin. Kögur-
vængja er t.d. slæm og það
er, eins og gefur að skilja,
erfitt að eitra fyrir henni á
skrifstofu þar sem margir
vinna. Sumir plöntusjúkdóm-
ar geta reynst þrálátir eins
og t.d. roðamaur því þótt
hann sé ekki erfiður viður-
eignar þá geta verið mörg
þroskastig af honum. Pláss-
ið skiptir líka máli því plönt-
urnar eru af ýmsu tagi. Þær
geta ýmist verið hávaxnar
eða lágvaxnar og bæði um-
málsmiklar og -litlar. Ég nota
ekki mikið blómstrandi plönt-
ur á borð við hawaiirósir eða
begóníur því þær þurfa mikla
umönnun. Ég legg hins veg-
ar áherslu á að laga þær
plöntur, sem ég vel, að arki-
tektúrnum.“
HELDUR DAGBÓK UM
KERJAPLÖNTURNAR
„Eins og áður hefur komið
fram er hluti af þjónustunni,
sem ég býð, að sjá um
plönturnar og gróðurinn sem
ég hef sett upp hjá fyrirtækj-
um og stofnunum. Ég færi
upplýsingar reglulega inn í
dagbók sem ég hef yfir
kerjaplönturnar. Þar sé ég
nákvæmlega hvenær ég hef
vökvað þær og hirt, hvað líð-
ur langt á milli og hvenær ég
hef þurrkað af þeim og gefið
áburð eða úða. Góður
áburður og köfnunarefni
skipta máli og ég reyni
stundum að taka mold ofan
af og skipta um jarðveg, án
þess þó að raska öllu rótar-
kerfinu. Og það verður að
lofta um moldina, sem er líf-
rænt efni, annars myglar
hún. Allt þetta skiptir gríðar-
lega miklu máli því eins og
mennirnir þurfa plönturnar
reglulega umhirðu. „Ástdís
segir starf sitt krefjandi, hún
kvarti þó ekki þar sem hún
hafi gaman af jóví og að það
hafi cjengið mjög vel hingað
til. I vinnunni segir hún
marga koma að máli við sig
til að forvitnast um plönturn-
ar og fá ráðgjöf. „Mér finnst
það gefa mér mikið. Mér
finnst sjálfsagt að starfs-
menn fyrirtækjanna, sem ég
sé um plönturnar fyrir, fái ráð
frá mér og tilsögn um al-
menna umhirðu þeirra
plantna sem þeir hafa heima
hjá sér. Þannig hefur fólk að-
gang að þekkingu minni. Og
það gefur mér líka mikið að
heyra þegar fólk talar um að
umhverfi sé hlýlegra eftir að
ég hef komið plöntum þar
fyrir."
JÓLAPLÖNTUR ERU
VIÐKVÆMAR OG
ÞURFA SÉRSTAKA
UMÖNNUN
Jólahátíðin er mikil blóma-
hátíð, enda eru þeir margir
sem skreyta heimili sín með
tilheyrandi skrauti og plönt-
um þegar jólamánuðurinn
gengur í garð. Ástdís segir
að jólastjarnan sé vinsæl-
asta jólaplantan. Aðrar
plöntur, eins og t.d.
hyacintha, séu líka mikið
notaðar, auk greina. En hvað
skiptir máli þegar jólaplöntur
eru annars vegar? „í jóla-
mánuðinum set ég yfirleitt
jólastjörnur í kerin til að
skreyta þau pínulítið og
klæða þau í jólabúning. Ég
tek líka sérstaklega vel til í
kerjunum og þríf þau. Það,
sem skiptir mestu máli þegar
jólaplönturnar eru annars
vegar, er að það þarf oftar
að vökva þær en flestar aðr-
ar plöntur. Þær þurfa sér-
staka umönnun og eru við-
kvæmar. Jólastjarnan þarf
t.d. alltaf að vera rök, hún
þolir illa kulda og þarf tals-
verða birtu. Sumir lenda í því
að kaupa jólastjörnu sem
deyr svo þegar komið er inn
á heimilið vegna þess að
hún þoldi ekki áfallið við að
vera utandyra í nokkrar mín-
útur. Þetta þarf að passa vel
og ef hún er meðhöndluð
rétt getur hún enst lengi. „Til
marks um blómaáhuga Ást-
dísar þá hefur hún tæplega
30 fermetra glæsilegan
blómaskála á heimili sínu við
Geitastekk í Reykjavík. Skál-
ann notar hún bæði sem
geymslu og tilraunstofu fyrir
blóm og plöntur sem hún
kemur síðan fyrir innan
veggja fyrirtækja. Hún segist
vera dugleg að tala við
blómin sín. „Ætli blómin mín
dafni ekki svona vel af því
að ég tala mikið yfirhöfuð og
kannski aðallega við sjálfa
mig. Svo bý ég nú á svo líf-
legu heimili þar sem mikið er
um að vera þannig að blóm-
in hljóta að njóta góðs af
því,“ segir Ástdís blómakona
að lokum. □
44 VIKAN 4. TBL. 1996