Vikan - 23.07.1998, Page 31
Umsjón: Þórunn Stefánsdóttir
Myndir: Sigurjón Ragnar Sigurjónsson
Sigurlín í eldhúsinu: „Það er ekki nóg að
maturinn sé góður, hann verður einnig
að vera fallega fram borinn."
( VN^
J J
Er það ekki skemmtilegt hvað allt verður léttara og einfaldara í sniðum á sumrin? Við tökum
nagladekkin undan bílnum, göngum berfcett í skónum og síðast en ekki síst verður allur matar-
tilbúningur einfaldari í sniðum.
Við fréttum af konu
vestur í bæ sem
ekki einungis væri
snillingur í að elda mat,
heldur ber hún hann fram
og skreytir á frumlegan og
fallegan máta. Þessi snilld-
arkokkur heitir Sigurlín
ívarsdóttir og er guðfræði-
nemi við Háskóla Islands.
Sigurlín segist alltaf hafa
haft gaman af að elda mat.
í„Núna finnst mér það al-
veg sérstaklega skemmti-
legt, eftir að ég fór að vinna
í afgreiðslu og elda-
mennsku hjá Grænum
kosti, en sá staður sérhæfir
sig í grænmetisréttum. Það
breytti matarsmekknum og
ég er smám saman að hætta
við hefðbundið mataræði.
Nú elda ég mat sem er laus
við sykur, hvítt hveiti og
dýrafeiti. Syni mínum, sem
er 11 ára, finnst þessi matur
mjög góður. Við erum ekki
grænmetisætur, við borð-
um magurt kjöt og fisk. Ég
reyni að hagræða elda-
mennskunni. Á veturna,
þegar mikið er að gera í
skólanum og ég hef lítinn
tíma, eyði ég laugardögun-
um í að elda nokkra stóra
bauna- og grænmetisrétti
sem ég get átt alla vikuna.
Það er nefnilega seinlegt
að skera niður allt þetta
grænmeti og gott að gera
það allt í einu. Fyrir utan
hvað það sparar mikið
uppvask!”
Sigurlín leggur mikla
áherslu á að maturinn sé
fallega fram borinn, finnst
það skipta mjög miklu
máli. „Ég nota óhefðbund-
ið skraut; næ mér í eitthvað
fallegt úti í náttúrunni. Sem
dæmi má nefna hundasúr-
ur, rósablöð af garðrósum,
arfa, fíflablöð og fleira þess
háttar. Ég nota þetta ekki
eingöngu til skreytinga,
heldur einnig sem krydd í
matinn, fyrir utan það að
þessar náttúruafurðir eru
hollar.
31