Menntamál - 01.10.1949, Qupperneq 20

78
MENNTAMÁL
SOFIE RIFBJERG:
Uppeldi treggáfaðra barna.
Erindi það, sem hér birtist, var flutt á 15. norræna skólamótinu 1948.
Höfundur er Sofie Rífbjerg skólastjóri í Kaupmannahöfn. Er hún gagn-
merkur skólafrömuður og hefur átt mikinn þátt í þvi að ryðja nýrri þekk-
ingu á uppeldismálum til rúms í Danmörku. Vil ég leyfa mér að hvetja
kennara, sem hafa treggáfuð börn í umsjá sinni, að kynna sér vandlega
þau hagnýtu ráð og leiðbeiningar, sem erindi þetta hefur að flytja.
Ritstj.
Hve mikill hundraðshluti barna er treggáfaður?
Er ég ræði um treggáfuð börn, á ég við þau börn, sem
ekkert gagn hafa af námi í barnaskólabekk venjulegrar
stærðar þ. e. börn, sem ná greindarvísitölu milli 70—90.
Þessi börn eru stundum kölluð seinþroska og stundum
tornæm.
Allmikill fjöldi barna fyllir þennan flokk. Enski sál-
fræðingurinn Cyril Burt og ýmsir aðrir enskir uppeldis-
fræðingar telja um 10% allra barna þar í landi í þessum
hópi og ef til vill fleiri í sveitunum. Á Norðurlöndum hafa
farið fram rannsóknir sem leiða í ljós, að 6—7% barna
hið minnsta fylli þennan flokk. Vitaskuld eru ekki tillölu-
lega fleiri vangefin börn í Englandi en á Norðurlöndum.
Milli gáfnaflokkanna eru hvergi greinileg skil, og merkja-
línan á milli þeirra er dregin af nokkuru handahófi. Cyril
Burt kveður það einkum vera fjárhagslegt atriði. Sum
lönd og sumar borgir hafa betri efni á því en önnur að
stofna sérskóla fyrir vangefin börn, og er merkjalínan
dregin eftir því.
í Kaupmannahöfn voru fyrst stofnaðir sérskólar handa