Menntamál - 01.10.1949, Qupperneq 29

MENNTAMÁL
87
Verkefni skrifstofunnar er í fyrsta lagi að rannsaka
þau börn, sem á einn eða annan hátt geta ekki lagað sig
eftir umhverfinu eða eru að einhverju leyti öðruvísi en
þau ættu að vera, og í öðru lagi, reyna að finna ráð til úr-
bóta.
Rannsóknin er alltaf í þrem aðalþáttum. Það er félags-
leg rannsókn á heimili barnsins, fjölskyldu, umhverfi og
öllum aðbúnaði. Sálfræðileg rannsókn á gáfum, persónu-
leika og skapgerð. Við það eru notuð viðeigandi smápróf,
auk þess samtöl við barnið, aðstandendur þess og kennara.
Þessi hluti rannsóknarinnar tekur lengstan tíma, og barn-
ið þarf að koma tvisvar til þrisvar til sálfræðingsins til að
ljúka henni. Að síðustu kemur rannsókn læknisins á heilsu-
fari barnsins. Að þessu loknu er tilfellið rætt sameiginlega
af öllum þeim, sem tekið hafa þátt í rannsókninni, og þá
er tekin ákvörðun um, hvað gera skuli. Starfslið skrifstof-
unnar er nú sem stendur þrír sálfræðingar, tveir sálfræði-
nemar, einn uppeldisfræðingur, einn læknir, sem er sér-
fræðingur í taugasjúkdómum, og ein skrifstofustúlka.
Ennþá er starfsfólk skrifstofunnar þó alltof fátt og fjöldi
barna er á biðlista.
Venjulega eru það skólarnir, sem senda börnin til skrif-
stofunnar, en foreldrar eða aðstandendur geta engu að
síður gert það, þótt þeir geri það ekki eins oft. 1 rauninni er
það þó æskilegra, því að þau tilfelli, sem koma beint frá
heimilunum, eru oftast skemmra á veg komin, og eru þá
meiri möguleikar á, að aðgerðir til að bæta úr erfiðleikun-
um beri árangur. Þau tilfelli, sem koma til skrifstofunnar,
eru margs konar. Langflest eru þau, sem kalla mætti erfið
börn. Frá skólunum koma börn, sem skrópa, eru þrjózk eða
óhlýðin, og börn, sem geta ekki fylgzt með venjulegri
kennslu. Þá koma og afbrotabörn, einkum frá barnavernd-
arnefnd. Á skrifstofunni er svo reynt að finna orsakir erf-
iðleikanna í hverju tilfelli. Einstöku sinnum er um beinan
gáfnaskort að ræða, en það eru þó undantekningar. Nokkru