Menntamál - 01.03.1951, Blaðsíða 12

4
MENNTAMÁL
fyrsta skipti (19. nóv. 1949) barst honum vísir að bóka-
safni, sem Vigfús Bergsteinsson frá Brúnum í Vestur-Eyja-
fjallahreppi hafði ánafnað fyrirhuguðum æskulýðsskóla í
Rangárþingi. Þetta var verðmætt safn gamalla bóka.
Fjölmargt fleira mætti nefna, sem færir okkur heim
sanninn um það, að merkir menn úr báðum sýslum hafa
borið þessi mál fyrir brjósti og alið með sér draum um
bætt skilyrði unga fólksins til þess að afla sér fróðleiks og
menntunar heima fyrir. Að þessi draumur hefur rætzt, get-
um við þakkað óvenju góðri samvinnu héraðanna, um
þessi mál — framtaksemi, sem vissulega er til fyrirmynd-
ar — og ódeigri atorku einstakra manna, sem um þessi mál
hafa fjallað. Og skal þar fyrst telja hinn bráðdugmikla
skólanefndarformann, Björn Björnsson sýslumann Rangæ-
inga. Allir kunnugir vita, hve mikla hlutdeild hann hefur
átt í því að koma byggingu Skógaskóla áfram.
Ibúar þessara héraða hafa hér reist sér minnisvarða,
sem seint mun fyrnast — traust tákn þess, að ennþá byggir
þróttmikið fólk þessi sögufrægu héruð — fólk, sem skilur
hvers virði það er að búa vel að æsku sinni.
Eitt vandaðasta skólahús landsins.
Árið 1944 var jörðin Ytri-Skógar í Austur-Eyjafjalla-
hreppi gefin sýslunum undir sameiginlegan héraðsgagn-
fræðaskóla. Gefendur voru ábúendur Skóga, Margrét Odds-
dóttir, ekkja Páls heit. Bárðarsonar, og hjónin Margrét
Bárðardóttir og Guðmundur Kjartansson. Staðurinn var
að mörgu leyti heppilegur eins og síðar verður vikið
að, og hafizt var handa um byggingu skólahúss sam-
kvæmt tekningum og forskriftum húsameistara rík-
isins vorið 1946. Haustið 1949 var verkið það langt
komið, að fært þótti að byrja skólahald þá um miðj-
an nóvember. En smiðir og verkamenn unnu þó að hús-
byggingunni mestallan veturinn 1949—’50. Vorið 1950 var