Menntamál - 01.03.1951, Blaðsíða 47

MENNTAMÁL
39
SEXTUGUR:
Jens Hermannsson
KENNARl.
Jens er fæddur 1. janúar
1891 í Flatey á BreiSafirði
og varð því sextugur s. 1.
nýársdag. Kennaraprófi
lauk hann úr Kennaraskóla
Islands vorið 1914. Það
sama ár gekk hann
kennslustarfinu á hönd og
hefur haldið því áfram trú-
lega alltaf síðan eða full 37
ár nú í vor. 1914—1919
kenndi hann í Grundar-
firði, 1919—1945 á Bíldu-
dal og 1945—1951 við
Laugarnesskólann í Reykja
vík.
Hinn 11. des. 1917 giftist
Jens Margrétu Guðmunds-
dóttur frá Nýjubúð í Grundarfirði.Þau hafa eignazt 7 börn.
Jens er hlédrægur og hægur maður í fasi, en bros á hann
einkar aðlaðandi, eins og hann búi ávallt yfir einhverjum
þeim unaði, sem aðrir ekki skynja. Enda er það svo. Hann
yrkir, og þó að hann stundi kennsluna af vandvirkni og
sívakandi alúð,mun skáldagyðjan jafnan standa honum nær
og vera fús til samstarfs við hann. Jens gaf út ljóðabókina:
Út við eyjar blár 1944 og Dr. Charcot 1946.
]ens Hermannsson.
J. s.