Menntamál - 01.12.1957, Qupperneq 63

MENNTAMÁL
253
ÚR 1. ÁRGANGI MENNTAMÁLA:
Ásgeir Ásgeirsson „ ... „Menntamál“ eiga að vera blað
kennara, og munu láta sig skipta öll uppeldis- og fræðslu-
mál. Blaðið mun gera sér far um að halda sér við það
efni. Það takmarkar að vísu kaupendaf jölda, en því fastari
stuðningur kennarastéttarinnar bætir það upp. Að því
viljum vér keppa, að geta orðið kennurum að sem beztu
liði við dagleg störf þeirra. Ríkið, bæjar- og sveitarfélög
leggja fé til fræðslustarfsins. Það er okkar kennaranna
að sjá svo um, að eftirtekjan verði góð. Á þann hátt vinn-
um vér bezt fyrir hagsmuni stéttar vorrar að rækja vel
skyldur vorar. „Menntamál“ vilja ljá lið sitt til að efla
þá þekking og samstarf, sem þarf til að svo verði.“
Gunnlaugur Einarsson: „ ... Eitt það fyrsta, sem skól-
arnir ættu að kenna börnunum, er almennt hreinlæti,
kenna þeim að þvo sig og hirða sig svo sæmilegt sé. Á
þessu vill verða nokkur misbrestur víðast hvar. Lexíu-
yfirferðin, staglið og aginn tekur allan hugann. . .“
Helgi Hjörvar: „ ... Það er ekki nema sjálfsagt, þegar
deilt er um velferðarmál, að hvorugur málsaðila ljúgi vís-
vitandi. En það er engu síður skylt að gera sér far um
að ljúga ekki óviljandi að sjálfum sér né öðrum. En það
er fullt af lygi í fræðslumáladeilunum. Ég vil sér í lagi
nefna tvær stórlygar. Annarri eigum við kennarar að verj-
ast, hina ættum við að varast.
Fyrri lygin er það, í stuttu máli, að barnaskólar og
barnakennarar séu til bölvunar og niðurdreps, öll mennt-
un sé í afturför þeirra vegna.--Þá er hin lygin. Hún
er sú, í sem fæstum orðum, að skólarnir og skólakennslan
sé sá eini sáluhjálplegi vegur, að öllu sé borgið, ef nóg
er af góðum skólum og góðum kennurum....“
Guðjón Guðjónsson: „ ... Nú verður hiklaust að gera