Menntamál - 01.12.1957, Qupperneq 71

MENNTAMÁL
261
kennslukonan smám saman aS skipta hópnum í flokka.
Verða þeir venjulega þrír 1 bekk. Þau, sem eru talin les-
þroska, fá nú síðasta undirbúning undir lestrarnámið.
Er það einkum fólgið í að vekja hjá þeim tilhlökkun og
þörf lestrar, að æfa sjón- og heyrnarskyn og fleira. Það
er áríðandi, að börnin verði ekki fyrir óþægindum í fyrstu
byrjun né endranær í sambandi við lesnám. Allt þar að
lútandi þarf að hafa í för með sér Ijúfar endurminningar
og þægindakennd. Fum eða flaustur má ekki koma fyrir.
Tíminn, sem fer í undirbúning, vinnst margfaldur síðar
í náminu.
Orðaaðferð er notuð í fyrstu. Tækin eru þá oft spjöld
með mynd og viðeigandi orð fyrir neðan hana, einnig
margvísleg áhöld úr pappa með hreyfanlegum skífum, svo
að fram komi myndir og orð. Taflan er líka notuð. Oft
eru rituð á hana fyrirmæli til barnanna. Þau fá í hendur
sundurlausa bókstafi á kubbum eða pappa. Þeim er ætlað
að raða þeim svo, að úr verði orð, sem þau hafa áður lært.
í fyrstu fá þau aðeins stafi í það, en síðar verða þau að
velja úr fleiri. Þá geta þau líka búið til ný orð með því
a,ð taka burt fyrsta eða síðasta staf eða skipta um þá.
Loks er komið að bókinni. Tilkomumikil athöfn þykir,
er hún er tekin fram í fyrsta sinn. Sömu kennsluaðferð
er þá beitt fyrst, þar til barnið hefur lært 40—50 orð.
Eftir það er einnig gripið til fleiri aðferða. Eru það hljóð-
aðferðir. Þykir útlendingum það flókið, vegna þess hve
sumir stafir tákna mörg hljóð, a hefur 7, e 5, o 9 og u 6
hljóð eftir stöðu. Stafróf er numið síðar, og þá eru orð
stöfuð. Tíðkast það mikið í sambandi við stafsetningu.
Starfsdagur er langur, allt að 6—7 klukkustundum, svo
að gnægð verkefna þarf að vera fyrir hendi. Að vísu er
matarhlé í þessum tíma, en skóli verður víða að sjá börn-
unum farborða einnig þá. Siður er að framreiða eina heita