Menntamál - 01.12.1957, Qupperneq 100

290
MENNTAMÁL
synlega í þágu hins nauðsynlegra, frjálsari skipan kerfis-
ins með tilliti til sálfræðilegra nauðsynja og uppeldisgildis
annars vegar og félagslegra krafna til einstaklingsins hins
vegar. Skólinn verður að taka á sig að ráða fram úr þess-
um vandamálum með því að finna þá skipan, sem málum
hæfir.
Að framan hefur verið lýst að nokkru þeim tilraunum,
sem gerðar eru bæði á vegum ríkis (Hessen og Nieder-
sachsen) og einstaklinga í nokkrum sambandslýðveldum
Þýzkalands. Það liggur í hlutarins eðli, að þar varð að
stikla á stóru. Að síðustu skal getið tilraunar, sem miðar
á allt annan veg að því að ráða fram úr sömu vandamál-
um. Það er frumvarp til laga um nýja skólaskipan, sem
menntamálaráðherra Mollet-stjórnarinnar, Billiéres, hef-
ur lagt fyrir franska þingið.
Strax eftir styrjöldina settist nefnd á rökstóla í umboði
stjórnarvaldanna og skyldi hún rannsaka skólakerfið og
gera tillögur um endurbætur á því. Tillögur nefndarinnar
(commission Wallon-Langevin) liggja til grundvallar
stjórnarfrumvarpinu (projet Billiéres), þótt þeim hafi
verið allmjög breytt. Þar er gert ráð fyrir sameiginlegu
námi barna til 12 ára aldurs, en síðasta árið og hið næsta
— fyrsta „framhaldsárið“ — eiga kennarar, skólasérfræð-
ingar og foreldrar í félagi að fylgjast mjög nákvæmlega
með barninu og komast að því sameiginlega, í hvaða átt
námsferli barnsins skuli beint. Þá taka við margar sam-
hliða framhaldsskóladeildir, er sumar ná beint til stúdents-
prófs, hver með sínu móti. Verða þannig til stúdentspróf
með ýmsu sniði, eftir því á hvaða sviði aðaláherzla deild-
arinnar liggur: náttúrufræðum, efnahags- og félagsfræð-
um og sögu, fornmálum, nýmálum, stærðfræði og tækni-
vísindum. f samhliða deild, en til 16 ára aldurs einvörð-
ungu, er framhaldsnám til undirbúnings ýmsum þeim
störfum, sem krefjast ekki stúdentsprófs eða háskóla-
menntunar, og veita ýmis starfsskólapróf. Hægt er að kom-