Menntamál - 01.04.1969, Blaðsíða 17
MENNTAMÁL
11
um. Með gildistöku nýju fræðslulaganna tóku gagníræða-
skólarnir víðast við efsta bekk barnaskólanna, og féll þá
þessi kennsla í eðlis- og efnafræði niður í barnaskólunum,
en var hins vegar næstum hvergi tekin upp á skyldustiginu
í gagnfræðaskólum. Þannig leið um hálfur annar áratugur,
þar til námsskrá var loks gefin ut fyrir skyldufræðsluna
árið 1961, en samkvæmt henni skyldi eðlisfræði vera kennd
2 stundir á viku í II. bekk. Ekki getur það talizt nema
eðlilegt, að nokkur ár liðu, þar til þessi kennsla væri alls
staðar tekin upp. Enn mun hins vegar vanta nokkuð á, að
hún sé kennd í öllum skólum í samræmi við námsskrána.
Á árunum 1964 til 1966 var Guðmundur Arnlaugsson,
sem nú er rektor menntaskólans í Hamrahlíð, námsstjóri
að hálfu starfi fyrir eðlisfræði og stærðfræði. Hann vann
að því, að sem flestir skólar kæmu sér upp stofni kennslu-
tækja í eðlisfræði og að þau væru tekin til virkrar notkunar
í kennslu. Ennfremur stóð hann fyrir tveimur haustnám-
skeiðum fyrir kennara í þessum greinum, og voru þau bæði
vel sótt. Kennararnir, sem námskeiðin sóttu, sýndu mik-
inn áhuga á að auka þekkingu sína. Þeir, sem kenndn á
þessum námskeiðum, voru sammála um, að meðal kenn-
aranna væri mikill áhugi á því, að námsefni gagnfra'ða-
skólanna yrði breytt, og er full ástæða til að ætla, að
kennarar muni taka fegins liendi öllum þeim endurbótum,
sem fram koma.
Einstakir kennarar liafa reynt að bæta kennslu í eðlis-
fræði, m.a. með því að vinna að því að búa skóla sína betur
af kennslutækjum en almennt gerist. Þá hefur Sigurður
Elíasson kennari þýtt nýlega danska kennslubók í eðlis-
fræði (4). Hún hefur nú verið gefin út fjölritnð og er
kennd í allmörgum gagnfræðaskólum. Töluverð bót er að
þessari bók, en hún uppfyllir þó ekki þær kröfur, sem
nefndin vill gera til nýrra bókar, nema að nokkru leyti.
I nokkrum almennum bekkjatdeildum III. bekkjar
gagnfræðaskólanna er farið að kenna eðlisfræði, og lands-