Menntamál - 01.04.1969, Blaðsíða 23

MENNTAMÁL 17
skólarnir geti í ríkum mæli notfært sér hjálpartæki við
kennsluna, svo sem glærur, skyggnur og kvikmyndir.
Nefndinni er ljóst, að hér bíður mikið og vandasamt
verk, en hún telur, að þörf umbóta sé svo brýn, að ekki
megi líða langur tími, áður en breyting verði. Hún telur,
að vart verði hægt að korna þessum breytingum á nema
einum manni verði falin umsjón með starfinu. Eðlilegast
væri, að hann yrði einnig einn aðalhöfundur hins nýja
námsefnis. Þá væri og brýnt að tengja þetta starf bættri
kennslu kennaraefna í eðlisfræði og efnafræði við Háskóla
íslands, sem hyggjast ljúka BA prófi.
Athugasemd um námsskrá.
Nefndin telur ekki tímabært að leggja drög að námsskrá,
fyrr en nokkur reynsla er komin á hina nýju kennslu í
barna- og gagnfræðaskólum. Við samningu nýs kennsluefnis
og nýskipan kennslu mætti hafa hliðsjón af þessari greinar-
gerð um markmið kennslunnar, námsefni og kennsluaðferð-
ir, en endanlega námsskrá verður að miða við þá reynslu.
sem af kennslunni fæst.
Nefndin telur, að gerð núgildandi námsskrár setji náms-
efni of þröngar skorður. Hún álítur, að námsskrá þurfi að
vera svo riim, að innan ramrna hennar megi breyta námsefni
og kennsluaðferðum, eftir því sem ný þekking og reynsla við
kennslu gefa tilefni til.
2.6 Húsnæði fyrir hina nýju kennslu í eðlis- og efnafræði.
Gert er ráð fyrir, að einn kennari kenni allt að 28 nem-
endum í einu og fari bókleg og verkleg kennsla í þessum
greinum fram í sömu stofu.
Nýir skólar.
Nefndin telur, að stefna beri að því, að í öllum nýjum
skólum verði sérkennslustofur fyrir eðlis- og efnafræði. í
2