Æskan - 01.01.1984, Side 8

Fá börn slá hendi á móti ís ef þeim er boðinn hann. Hann
þykir nefnilega lostæti, ekki bara börnum heldur einnig for-
eldrum. Þess vegna er hann stundum hafður í eftirmat á
sunnudögum eða á öðrum hátíðisdögum.
Mörgum hættir til að flokka ís undir sælgæti en í rauninni
er hann það ekki vegna vítamína og annarra næringarefna
sem eru í honum.
Flestir hafa séð kú. Vitið þið að hún á mestar þakkir
skildar fyrir ísinn? Hún gefur okkur mjólk og rjóma en það
er einmitt úr rjómanum sem ísinn er búinn til. Hugmyndin
að baki stofnunar ísgerðarinnar á sínum tíma var að nýta
mjólkurfituna, rjómann, á þennan hátt.
Stærsta ísgerðin hér á landi er ísgerð Mjólkursamsölunn-
ar, öðru nafni Emmess ísgerðin. Hún tók til starfa í maímán-
uði árið 1960 og hefur því starfað í 23 ár. Fyrstu tólf árin var
ísgerðin til húsa í Mjólkurstöðinni. En árið 1970 keypti
Mjólkursamsalan hús það sem ísgerðin er nú í af Mjólkurfé-
lagi Reykjavíkur. Húsið var upphaflega byggt sem korn-
geymsla og varð því að breyta því töluvert áður en ísgerðin
gat tekið þar til starfa árið 1972. Þá var húsnæðið mjög
rúmgott en er nú orðið alltof lítið, það sýnir e. t. v. betur en
margt annað þær undirtektir sem ísinn hefur fengið. Á und-
anförnum árum hefur framleiðsla ísgerðarinnar orðið æ
fjölbreyttari og salan aukist mikið.
Fyrsta heila árið framleiddi ísgerðin 196 þús. lítra af ís. Á
síðasta ári voru framleiddir u. þ. b. 1300 þús. lítrar. - Tutt-
ugu manns starfa við ísgerðina.
Hér birtum við svo uppskrift að því sem má gera úr ísn-
um, auk uppskrifta að ísdrykkjum:
8