Æskan - 01.01.1984, Síða 18

„PIANOIÐ ER NUMER EITT“
- segir Aðalheiður Eggertsdóttir sem er að
læra á píanó og þverflautu
„Ég er búin að vera hér frá því
ég var 7 ára,“ segir Aðalheiður
Eggertsdóttir sem er að læra á
píanó og þverflautu að auki.
„Ég byrjaði í forskóla eins og
flestir, á blokkflautu. Svo fór ég
fljótlega yfir á píanóið og eftir nokk-
ur ár byrjaði ég á flautunni líka.“
„Er ekki mikill munur á þess-
um hljóðfærum?"
„Jú, auðvitað er heilmikill munur
á þeim en píanóið er númer eitt hjá
mér. Það getur svo sem verið að
það komi niður á árangrinum að
vera að læra á tvö hljóðfæri í einu,
en ég bætti flautunni við fyrst og
fremst vegna þess að það fylgir
henni meiri fjölbreytni, samspil í
hljómsveit, til dæmis. Það er lítið
um að maður spili með öðrum á
píanóinu."
„Þannig að þú hefur nóg að
gera?“
„Já, eiginlega of mikið. Ég er
hérna í skólanum alla daga, hvort
sem ég er að æfa mig eða gera
eitthvað annað. Svo er ég að spila
hjá Leikfélaginu í My Fair Lady, það
er ofboðslega gaman og góð æfing
þar að auki. Og það eru ekki margir
sem geta státað af því að hafa tekið
þátt í svona sýningu, eins ungir og
ég er.“
„Nú ertu búin að vera í þess-
um skóla í tíu ár, ertu ekkert orð-
in leið?“
„Nei. Þetta þroskar mann að svo
mörgu leyti. Þegar krakkar eru til
dæmis að tala um sinfóníugarg þá
er það bara af því að þau þekkja
ekki tónlist og vita ekki hvað þau
eru að tala um.
En það er ekki hægt að miða allt
við árafjölda. Þetta fer mest eftir því
hvað maður er duglegur að æfa
sig. Ef maður ætlar að ná langt þarf
helst að sitja við æfingar daginn út
og daginn inn, en ég held að það
gæti ég aldrei gert. Ég er ekki
þannig."
Aðalheiður fer í Menntaskól-
ann nú í haust, í annan bekk á
tónlistarbraut. „Það er of snemmt
að fara að ræða framtíðina,“ segir
hún. „Ég lýk 7. stigi í tónlistar-
skólanum í haust og ætla að klára
þennan skóla. Svo er að sjá hvern-
ig gengur í Menntaskólanum."
Dagur.
Aðalheiöur Eggertsdóttir.
TÓNLISTARSKÓLINN Á AKUREYRI
NORRÆNA
Nú eru um 900 manns fé-
lagsbundnir í Norræna félag-
inu í 40 félagsdeildum víðs
vegar á landinu. Á síðasta ári
nutu um 17 hundruð manns
fyrirgreiðslu félagsins í sam-
bandi við ferðir til annarra
Norðurlanda og í vetur eru
rúmlega 80 nemendur í lýðhá-
skólum á Norðurlöndum fyrir
milligöngu félagsins. Af verk-
efnum félagsins síðasta
starfsár má nefna Græn-
landskynninguna og ferð til
Eystribyggðar á Grænlandi.
Ennfremur var efnt til gagn-
kvæmra vinabæjarferða milli
íslands og Finnlands. Félagið
átti aðild að kynningu á nor-
rænu málaári.
Formaður félagsins er
Hjálmar Ólafsson og telur
hann að hin tvö síðustu
starfsár félagsins hafa verið
ein mestu velgengnisár í sögu
þess og víða um land er mikil
gróska í starfi norrænu félag-
anna.
18