Æskan - 01.01.1984, Síða 25

JÚLÍUS
Simpansinn Júlíus fæddist á annan dag jóla 1979 í dýra-
garðinum í Kristiansand. Móðir hans var þá átta ára - á
unglingsaldri ef við berum það saman við mannsævina.
Eftir einn og hálfan mánuð hætti hún að sinna Júlíusi svo
að umsjónarmenn dýragarðsins urðu að taka hann í fóstur.
í rúmt eitt ár ólst Júlíus upp hjá tveimur fjölskyldum. Um
hann var annast sem barn, bleyja var sett á hann og stund-
um var hann færður í föt. Hann drakk úr
pela, lék sér með börnunum á heimilunum
og hegðaði sér eins og barn. Öllum þótti
afar vænt um Júlíus en frá upphafi var
ákveðið aö hann færi aftur í dýragarðinn til
að lifa þar með öðrum öpum - ef þeir
tækju við honum. Margir efuðust um það.
Hann var látinn venjast við veru í garðinum
smám saman og svo vel tókst til að hann
samdi sig að háttum apa og þeir sam-
þykktu hann.
í dýragarðinum í Kristiansand er öpun-
um ekki haldið stöðugt í búrum, þeir geta
farið frjálsir um litla eyju. Mikill fjöldi fólks
kemur þar til að fylgjast með dýrunum og
Júlíus er eftirlæti allra. i fyrra kom út bók
um hann hjá útgáfufyrirtækinu Cappelen í
Noregi og þættir um hann hafa verið sýndir
í norska sjónvarpinu. Myndirnar eru úr bók-
inni.
Gaman væri að vita hvort einhverjir af
lesendum Æskunnar hafa séð Júlíus.
25