Æskan - 01.01.1984, Qupperneq 42

SÆNSKA ROKKHLJOMSVEITIN ATTENTAT
íslenskir fjölmiðlar gefa popp-
músík annarra norrænna þjóða lít-
inn gaum. Að vísu hefur Sjónvarpið
kynnt sænsku hljómsveitina Abba
betur en flestar aðrar hljómsveitir.
Einnig heyrist stundum í dönsku
popphljómsveitinni Shu-bi-dua í út-
varpinu. Að öðru leyti kynna fjöl-
miðlarnir aðallega engilsaxneska
músík.
Skv. niðurstöðum norrænu mús-
íkráðstefnunnar, sem haldin var í
Noregi s.l. haust á vegum NOMUS,
er íslenska hljómsveitin EGÓ best
allra skandinavískra hljómsveita.
Engu að síður eiga aðrar norrænar
þjóðir vel frambærilegar popp-
hljómsveitir. Ein slík er sænska
rokkhljómsveitin ATTENTAT. Hún
var sett á laggirnar 1978.
í upphafi var Attentat pönkrokk-
hljómsveit. En með tíð og tíma hef-
ur rokkið hjá þeim mýkst og fágast.
Attentat er skipuð fjórum ungum
piltum með hefðbundin rokkhljóð-
færi (gítara, bassa og trommur).
Þeir hafa spilað inn á tvær plötur. Á
plötunum njóta þeir aðstoðar ým-
issa blásara.
Plöturnar hafa fengið mjög góða
dóma. Samt sem áður er Attentat
fyrst og fremst hljómleikahljóm-
sveit. Að sögn kunnugra ná þeir
upp allt að því eins góðri
stemmingu og Bubbi Morthens þeg-
ar best lætur.
VISSIR ÞU
— að Mike Pollock, söngvari
Frakkanna er mágur óperusöng-
konunnar Sigrúnar Hjálmtýs-
dóttir. Hann er kvæntur systir
Sigrúnar.
— að Ellý söngkona Q4U og
Gunnþór bassaleikari Q4U eru
hjón.
— að þótt Siggi pönkari sé
bæði pönkari og anarkisti þá lét
hann gifta sig á borgaralega vísu
í fyrra.
- að Svavar Gestsson fyrr-
verandi ráðherra var söngvari í
rokkhljómsveit í Borgarfirðinum
þegar hann var táningur. Þá
vakti Svavar athygli fyrir hressi-
lega sviðsframkomu.
- að Bítlalagið „Yesterday"
hefur verið hljóðritað í fleiri út-
setningum en nokkurt annað
lag. Það hefur verið hljóðritað í
rúmum 1300 útgáfum!!!
- að lag Bob Dylans „Blowin’
in the Wind“ hefur verið sungið
inn á plötur á fleiri tungumálum
en nokkurt annað lag. Skráðar
þýðingar á þessum vinsæla
söng eru hátt á annað hundrað.
Þ. á m. er íslensk útfærsla sem
Ragnar Bjarnason söng fyrir
nokkrum árum. Gott ef hún hét
ekki „Svarið er hverfult því það
enginn veit“ eða eitthvað í þá átt-
ina.
42
UMSJON JENS GUÐMUNDSSON