Æskan - 01.05.1986, Blaðsíða 12

Unglingareglan, samband barna-
stúkna á Islandi, er 100 ára. í eina öld
hefur börnum og unglingum gefist
kostur á að koma saman, gleðjast og
þroskast í hollu starfi. Þegar við hugs-
um um eina öld kemur Þyrnirós mörg-
um okkar fyrst í hug og dásvefn henn-
ar. En starf barnastúknanna hefur svo
sannarleg ekki líkst Þyrnirósarsvefni! í
því hefur verið leikið, sungið og dans-
að um allt land, farið í ferðalög, keppt
í íþróttum- og ótalmargt annað hafa
félagarnir tekið sér fyrir hendur sem of
langt yrði að telja hér.
I tilefni afmælisins efndi Ungl-
ingareglan til skemmtunar í Tónabæ
laugardaginn 26. apríl sl. Til hennar
bar boðið félögum úr öllum barnastúk-
um og greiddi Unglingareglan fargjöld
þeirra er langt þurftu að sækja. Nálægt
600 mættu til leiks.
Kristinn Vilhjálmsson stórgæslu-
maður, sem hafði veg og vanda af
undirbúningnum, setti skemmtunina-
Sr. Björn Jónsson stórkanslar ávarp'
aði síðan börnin og ræddi m.a. urn hve
mikilvægt væri að félagar barnastúkn-
anna tækju af heilum hug þátt í starf'
inu og að þar væri ávallt dagskrá sem
höfðaði til þeirra.
12