Æskan - 01.07.1988, Qupperneq 27

Skátaþáttur
Umsjón: Stefán Már
1: Lubbar
Shálaferð
skeriabua
af kraft'
Sðngnum stjórnað
" varöe/d
17160 fore/drum
**kan
Skammt frá Kópaskeri er sveitabærinn
Daðastaðir. Þar er hús sem skátafélagið á
Kópaskeri hefur haft til afnota fyrir
skálaferðir og ýmislegt annað.
Snemma vors á þessu ári mátti sjá sex
hressar skátastúlkur á leið þangað gang-
andi frá Kópaskeri. Þær voru á leið í
skálaferð ásamt öðrum félögum skátafé-
lagsins. Hinir skátarnir voru þó ekki
jafnduglegir og þessar ungu stúlkur
heldur komu allir með vélknúnum öku-
tækjum. . .
Að kveldi dags þegar allir skátarnir
voru mættir var útilegan hátíðlega sett
með varðeldi. Þar var sungið og ýmislegt
til gamans gert. Hópnum var skipt í
fjóra hópa er starfa skyldu saman í ferð-
inni. Seinna um kvöldið fóru allir inn á
kvöldvöku sem heppnaðist með besta
móti.
Snemma morguninn eftir var allt lið-
ið komið á fætur og boðið var upp á hina
skemmtilegu heimaleikfimi sem allir
skátar þekkja og eiga sjálfsagt góðar
minningar um. . . Að leikflminni lok-
inni var fánaathöfn með ímynduðum
fána og fánastöng. Dagurinn leit út fyrir
að ætla að verða hinn besti og veðrið var
eins og best varð á kosið. Sólin var ein-
ráð og hleypti regnskýjum hvergi að.
Farið var í fjársjóðaleit eftir áttavita og
betra liðið vann eins og við var að búast.
Einnig var farið í „hike“-ferðir og
„pósta“ og heppnaðist það hvort tveggja
vel.
Ekki má gleyma að minnast á frábær-
an næturleik er fór fram um miðjan dag.
Tvær ónefndar voru ekki sem best út-
lítandi eftir hann. . . Á milli allra dag-
skrárliðanna var hvíldartími sem flestir
notfærðu sér hið ítrasta og gott var að
liggja og dorma í sólbaði.
Um kvöldið var foreldrum boðið að
varðeldi. Komu þar allnokkrir og
skemmtu sér flestir vel. Það eina sem
spillti fyrir var að það var strekkings
vindur og því erfitt að vera samtaka í
söngnum. En annars gekk allt vel. Síðan
fóru allir heim að lokinni vel heppnaðri
skálaferð.
Hulda Þórey skráði.
i27