Valsblaðið - 24.12.1968, Blaðsíða 33

VALSBLAÐIÐ
31
LiS Gagnfrœðaskólans á Akureyri 1925. TaliS frá markmanni lil
vinstri uíherja: Einar Björnsson, Gunnlaugur Halldórsson, Páll
Kristjánsson, Pétur Einarsson, Jón Sigurgeirsson, Baldur Stein-
grimsson, Eiríkur Vilhjálmsson, Erlendur GuSmundsson, Hermann
Stefánsson, Bragi Steingrímsson, ESvarð Sigurgeirsson.
hlusta á Einar, ef honum hitnar svo-
lítið í hamsi, og hann telur sig þurfa
að leggja sig verulega fram.
Það eru einmitt svona menn, sem
eru hverju félagi nauðsynlegir, þeir
verða nokkurs konar máttarstólpar,
sem hera uppi svo og svo mikið af
yfirbyggingu og þunga félaganna,
þeir verða einskonar öryggi í félags-
legu tilliti bæði inná við og útá við.
Það er líka svo, að oft er kallað
á Einar til funda, með hinum yngri
til þess ýmist að stjórna samkom-
um flokka og deilda, eða þá að
ávarpa og hvetja til starfs og dáða,
og er hann þá oft ekki myrkur í
máli. Þrátt fyrir það nýtur Einar
mikilla vinsælda meðal æskufólks-
ins í Val, því það finnur að bak
við hvassar eggjanir og hvatningar
logar áhuginn fyrir velgengni fé-
lagsins. Fáir skilja betur en hann,
að það eru og æskumenn félagsins,
piltar og stúlkur, sem þurfa og verða
að axla byrðar félagsins og bera það
fram til sigurs bæði á íþróttavellin-
um og ekki síður í félagslegu tilliti.
Sama er, þegar til þess tekur að
koma fram útá við, þá er Einar ætíð
reiðubúinn, enda sú list lagin að
koma fram þannig, að Valur megi
vel við una.
Það er kannske engin tilviljun, að
einmitt Einar hefir verið fulltrúi
Vals í Knattspyrnuráði Reykjavíkur
í þrettán ár, og nú sjö síðustu árin
og þá alla tíð formaður þeirrar stofn-
unar. Segir það nokkuð til um það
traust sem hann nýtur meðal knatt-
spyrnufélaganna í borginni, og það
er að minnsta kosti ekki heiglum
hent að halda þar vel í horfi.
Þá hefir Einar átt sæti í fjölda
nefnda, sem hafa fjallað um hin
ólíkustu efni fyrir Val og íþrótta-
hreyfinguna almennt.
Einar hefir komið víðar við í fé-
lagsmálum en í Val. Hann hefir m.
a. frá unga aldri aðhyllzt bindindis-
hreyfinguna og tekið þátt í störfum
hennar, fyrst á Sey^ðisfirði, síðar í
stúkxmni Sigurfánanum í Gagn-
fræðaskólanum á Akureyri, og síð-
ast en ekki sízt hér í Reykjavík eftir
að hann fluttist hingað. Hefir hann
komið þar mikið við sögu og gegnt
fjölda ábyrgðarstarfa fyrir regluna
á þessum árum. Hann var og er
æðstitemplar í stúkunni Víkingi, ver-
ið í framkvæmdanefnd Stórstúku Is-
lands um margra ára skeið, einnig í
framkvæmdanefnd Umdæmisstúk-
unnar nr. 1, og í Þingstúku Reykja-
víkur í 24 ár samfleytt.
Það leikur þvi ekki á tveim tung-
um. að Einar Björnsson hefir fórnað
óvenju miklum tíma fyrir þessi á-
hugamál sín, og enn virðist hann í
fullu fjöri, og þó hefir hann unnið
undanfarin mörg ár óvenju langan
vinnudag.
Ég vil hér flytja Einari þakkir fyr-
ir ánægjidegt samstarf að málum
Vals, nána kynningu sem félaga og
vinar, um langan tíma, eða allt frá
þvi að við æfðum saman knatt-
spyrnu á Melavellinum.
Ég þakka þér samstarfið í sam-
bandi við Valsblaðið i þessi 11 ár,
sem við höfum unnið að þvi. Þar
hefir þú verið hvetjandi og örfandi
og verið liin stóra hjálparhella, til
að tryggja útkomu blaðsins, það geta
félagar Vals líka þakkað við þessi
tímamót. Á vináttu okkar hefir
aldrei fallið skuggi, og vona ég að
Valur eigi eftir að njóta starfsorku
þinnar um margra ára skeið.
Ég vil svo að lokum bera fram
þá von og ósk, að yngri félagar Vals
taki félagsmálaáhuga þinn sér til
fyrirmyndar, og kyndi með honum
þá elda sem bezt geta omað okkar
kæra Val um alla framtíð.
Það lætur að líkum að Einari
hafi, á löngum starfsferli innan
íþróttahreyfingarinnar, einkum þó á
knattspyrnusviðinu, verið sýndur
ýmiskonar sómi. Þannig hefir hann
verið sæmdur gullmerki Vals og
KRR, auk þess þjónustumerki ISf.