Almanak Ólafs S. Thorgeirssonar - 01.01.1907, Side 53

ALMANAK 1907.
25
nú aS eins tvítugur að aldri og sýnir þessi ráöabreyting
hans þegar, hve stórhuga maöur hann var. Því einn
síns liðs leggur hann út í heiminn. Hann er einn hinna
allra-fyrstu, er Ameríkuhug lýstur niður hjá.
Til Quebec kom hann 12. september I872- Hugsaði
hann sér þegar að kynnast í Kanada, en leita ekki suður
eða vestur til Bandaríkja,þótt hann vissi þar af þeim Stóru-
tjarnabræðrum. Fyrir brezka veldinu bar hann þeg-
ar nrikla lotningu og áleit því bezt að staðnæmast undir
verndarvæng þess.
Frá Quebec fór hann til Kingston og þaðan til Tor-
onto. En frá þeirri stórborg fór hann til London í On-
tario-fylki, sem er bær miklu smærri. Þar nam hann
staðar einar þrjár vikur og gekk að vinnu hjá félagi einu,
er Ontario Car Co. nefnist og býr til alls konar braut-
arvagna.
Þaðan fór hann til annars bæjar nokkuru sunnar, er
St. Thomas nefnist, og réðst til vinnu hjá járnbrautarfé-
lagi einu, er Canadian Soutiiern R'y Co. nefnist. Það var
þá að leggja brautir í óða önn frá Detroit-fljóti austur að
Niagara og umsýsla öll með miklu fjöri. En eigi átti það
lengi að haldast í það skifti. Þá konr alt í einu banka-
hrun mikið fyrir í borginni New York í sambandi við
fjáraflamanninn fræga,J. Cook. Féllust mönnum þá hend-
ur og deyfð og drunga sló yfir land alt. Varð þá margt
stórræðið að hætta og járnbrautalagningum lokið í bili.
Frá St.Thomas hvarf Sigtryggur í desember mánuði,
sanra ár, og fór þá 26 mílur vestur að brautarstöð einni,
er Bismarck nefnist. Þar réðst hann til sögunarmylnu-
eiganda eins og vann um hríð við að ná sögunar-timbri
úr skógi.
Við þetta starf var hann þangað til vorið 1873 og
liafði þá lært flest, er að því laut. Þá gekk hann í félag