Almanak Ólafs S. Thorgeirssonar - 01.01.1907, Qupperneq 67

AI.MANAK I907.
39
ing'ar, aS þar var góður drengur á bak við og ekki lang-
rækinn né hefnigjarn, þótt honum rynni í skap í bili.
Enda eru fáir, sem fleiri menn eiga að vinum víðs vegar
um íslenzkar bygðir, en hann. Hefir það verið svo frá
upphafi og einlægjt aukist, eftir því sem hann hefir haft
meiri afskifti af málum manna. Og aldrei hefir hann
fleiri vini átt, en eftir að hann var ritstjóri. Enda eru það
ekki flokksbræður einir, senr bera virðingu fyrir honum
og meta hann mikils, heldur einnig andstæðingar.
í janúar 1896 bauð Sigtryggur sig fram til þingsetu
fj'rir St. Andrew’s kjördæmi, 1 sem Nýja-ísland var einn
hluti af. Lauk þeirri kosningabaráttu svo, að hann var
kosinn með 78 atkvæða meiri hluta á móti Baldvin L.
Baldvinssyni. Mun þess lengi getið í sögu Vestur-ís-
lendinga, að hann varð fyrstur úr hópi þeirra til að skipa
þingmannssæti í Kanada. Enda fórst honum það sérlega
myndarlega aðöllu og þótti hann sýna það á þingi,að hann
hafði þekking á landsmálum og kunnugleika um fram
margan innlendan þingmann.
Við næstu kosningar til þings bauð hann sig aftur
fram í Gimli-kjördæmi. En þá var hann svo óheppinn,
að kosning í hans kjördæmi var látin franr fara viku síðar
en í öðrum. En frjálslyndi flokkurinn í fylkinu varð undir
við aðalkosningar. Og þegar sú frétt flaug eins . og
herör út um kjördæmi Sigtryggs, stóð hann auðvitað
miklu ver að vígi, því ávalt eru ýmsir, sem helzt vilja
þann flokk fylla, er sigur ber úr býtum. En munurinn
var lítill. Hann varð undir með 8 atkvæða mun, og
Baldvin L. Baldvinsson þeim mun hlutskarpari.
A þingmensku árum sínum gleymdi Sigtryggur ekki
Nýja Islandi. Það var énu eins konar óskabarn hans.
Tók hann þá að vinna að því, að Manitobastjórn legði