Jólablað félagsins Stjarnan í austri. - 24.12.1919, Page 32

Yér vitum nú, að samfélag heilagra er til og að það
blessar, verndar og fræðir þjóðirnar í heiminum.
Og vér vitum fyrir víst, að frá því koma allir hinir meiri
háttar andlegu straumar, alt hið andlega líf og kenningar
um hin eilífu sannindi tilverunnar, er vér nefnum trúarbrögð.
Frá samfélagi heilagra koma einnig án aíláts hinar ýmsu
grundvallarskoðanir, sem verða til þess að skapa eða endur-
skapa hinar og þessar heimspekisstefnur og færa út kvíar
vísindanna, er verða svo til þess að auka og frjógva hugs-
analíf þjóðanna og auka þekkingarforðann.
í samfélagi heilagra eru og þeir þjónar hinnar guðdóm-
legu forsjónar, er sjá um, að hver maður uppskeri eins og
hann hefur tilsáð og ráða, samkvæmt órjúfanlegu lögmáli,
þvi, sem vér köllum örlög manna.
Svo eru aðrir, sem ráða yfir hinum ýmsu þjóðum, huldir
og heilagir stjórnendur, er stýra þjóðflutningum, er verða til
þess að blanda þjóðernin, er þeir álíta nauðsynlegt að nýr
kynþáttur komi til sögunnar, kynþáttur, sem leiði í ljós
nýja þjóðarhæíileika, er hafa leynst með mannkyninu, og
gera mannssálunum, sem fæðast með honum, fært að læra
margt það, er þær hafa ekki átt kost á að tileinka sér
annarsstaðar.
Svo eru líka aðrir, sem hafa vakandi auga á hinum and-
legu efnum þjóðanna, veita þeim hina æðri vizku, láta bera
hin andlegu sannindi á borð fyrir þær og Ijúka upp hlið-
unum á musteri sannleikans fyrir þeim mönnum, er knýja
á. Og þeir halda jafnan vizkukyndlinum á lofti mitt í
svartamyrkri mannlegrar vanþekkingar.
Hver og einn einstaklingur í hinu heilaga samfélagi hefur
sérstakt starf með höndum eða stöðu meðal þeirra manna,
er náð hafa mannlegri fullkomnun, En allir stjórnast þeir
30