Iðunn : nýr flokkur - 01.10.1925, Síða 54

276
Inga L. Lárusdóttir:
IÐUNN
kvæmdasöm og mannkoslum búin. Gerði hún meðal
annars algerlega endurbót á hjúkrunarmálum landsins og
stofnaði hjúkrunarkvennafélagið »Victoria-nurses«, sem
starfar um alla Canada. Sömuleiðis stofnaði hún kvenna-
ráð Canada og var ein af stofnendum Alþjóðaráðs-
kvenna, er stofnað var meðan hún dvaldi þar vestra.
Þótt sumt gleymist og margt renni saman í endur-
minningunni geymast heildaráhrifin. Hér mátti heyra ýmsa
helstu stjórnmálamenn landsins tala. Þeir töluðu um
þann heiður, er það væri landi þeirra að svo margar
konur, frá því nær öllum ríkjum hins gamla heims, sækti
það heim. Konur er ferðast höfðu langar leiðir til að
bera saman ráð sín um það, hvað líklegast væri til við-
reisnar mannkynsins. Og mér er ógleymanlegt hve mjög
þeir hétu á konurnar að bregðast eigi því máli, er þær
öðrum frekar gætu haft heillavænleg áhrif á, og hve
einarðlega helstu stjórnmálamenn Canada játuðu friðar-
hugsjóninni hollustu sína. Þegar suður fyrir landamærin
kom kvað við nokkuð annan tón.
Þing Canada er í tveim deildum. Þingfundur stóð
yfir í neðri deild. Af áheyrendasvölunum leit eg yfir sal-
inn. Og mér datt í hug kvöldfundur í neðri deild annars
margfalt minna þings. Eg gat ekki varist þeirri hugsun,
að hér gæfi að líta muninn á virðingu og virðingarleysi.
Og eg spurði sjálfa mig hvor betur mætti við því, að
sýna æðstu stofnun sinni lítilsvirðingu, kotríkið út á tak-
mörkum Atlantshafs og íshafs — eða hið mikla ríki, er
ber hið veglega nafn, Dominion of Canada. Sömu áhrifa
gætti í efri deild. Inn fyrir viss takmörk mega óviðkom-
andi menn eigi stíga.
Toronto er næsti áfanginn. Landið er hæðótt, skógar,
klapparholt og 'glyttir hér og þar í smá-vötn. Finsku
konunum og þeim frá Eystrasaltslöndunum, finst þær