Iðunn : nýr flokkur - 01.10.1925, Blaðsíða 90

IÐUNN
Ritsjá.
4
Vfirlit.
Safnasl hefir nú fyrir allmikið af bókum, sem lðunni hafa verið
sendar til umsagnar, og veldur hvorttveggja rúmleysi í tímaritinu og
annríki ritstjóra. Skal nú litið lauslega yfir Þa& merkasta og þó
ekki alt að sinni.
Af fræðibókum má nefna Siðfræði eftir próf. Agúst H. Bjarna-
son, fyrv. ritstjóra Iðunnar. Er þetta 1. hefti ritsins: Forspjöll sið-
fræðinnar, og er þar grafið fyrir sjálfri undirstöðunni. Er reynt að
hafa hana sem tryggasta og farið alla leið niður fyrir alt mannkyn,
niður í dýraríkið. Því næst er saga siðfræðinnar rakin, cg er
sumt í þeirri sögu meðal þess bezta, sem próf. Agúst hefir ritað.
Það er ekki neitt Iítið, sem próf. Agúst heftr ráðist í með því að
hefja að rita þessa bók. Það er stórvirki, sem einmitt hæfir pró-
fessornum í heimspeki, og á hann þakkir skilið fyrir, að hvika ekki
frá því, enda líklegur til þess að leiða það til lykta svo, að honum,
háskólanum og þjóðinni sé vegs- og menningarauki að.
Prófessor Sigurður Nordal hefir gefið út íslenzka lesfrarbók.
Er það allmikil bók og rúmar ýmsa úrvalskafla úr bókmentum
síðari alda. Þarf enginn að firtast fyrir hönd þeirra, sem ekkert er
eftir tekið, því að hér er lesbók en ekki sýnisbók, og fjöldi ágætra
rithöfunda, sem ekkert eiga þar. Höf. skrifar stuttan formála um
hvern höfund, og afbragðs góðan inngang, bókmentasögulegs efnis,
er hann kallar samhengið í íslenzkum bókmentum. Bókin mun nú
þegar komin mjög víða.
Kominn er út fyrri partur af Krisfnisögu fslands eftir dr.
~]ón Holgason, biskup. Er sagan hér sögð fram undir siðaskifti, og
verður talsverð bók um það er henni verður lokið. — Þó að ótrú-
legt megi heita er þetta fyrsta kirkjusaga íslands, sem skrifuð er á
íslenzku i samfeldri heild. Hin eina verulega kirkjusaga Islands,
sem til var áður, er á latínu (Hist. eccl. Isl. eftir Finn og Pétur
biskupa). Meðfram stafar þetta af því, að óvíða er kirkjusagan jafn
nátengd almennu sögunni og hér. En þó er nú mikill fengur að