Kirkjuritið - 01.03.1938, Side 56

134
Erlendar fréttir.
Marz.
stjórnina, |já má með sanni segja, að ósamkomulagið, sem enn
ríkir milli mótmælenda og stjórnarinnar, er mjög skaðlegt fyrir
þjóðina. Mótmælendur ná að vísu yfir 65% af öllum Þjóðverj-
um, en þeir skiftast í 28 héraðskirkjur (Landeskirchen), þó
ekki séu taldir með hinir ýmsu sértrúarflokkar, sem æxlast hafa
einmitt frá mótmælendakirkjunni. Þaö er einkum tvent, sem
veldur vandræðum lútersku kirkjunnar i Þýzkalandi, og kem-
ur jafnvel af stað rígi og rógburði innan söfnuðanna: Stjórnmál
og trúardeilur.
Lúterska kirkjan og stjórnmálin.
Lúther fól á sínum tíma stjórn kirkjunnar á hendur hinum
mörgu þýzku smáfurstum, til þess að tryggja liinni ungu kirkju
sinni vernd og framgang. Síðan hafa þessir landshöfðingjar beinl
eða óbeint farið með völd kirkjunnar í hinum einstöku þýzku
smáríkjum. Þegar furstar þessir mistu völd sín í byltingunni 1918,
var kirkjan neydd til þess að kjósa sína eigin yfirmenn. Þeir
urðu þá eins margir og furstarnir höfðu verið, eða 28, og álitu
sig hver um sig að hafa sinn rétt og sína sérstöðu. Þegar Hitler
komst til valda, voru öll smáríkin, sem til þessa höfðu verið
hlutar þýzka lýðveldisins, leyst upp og innlimuð í ríkisheildina.
En kirkjurnar voru ekki nógu fljótar að koma sér undir sam-
eiginlega stjórn. Ríkisbiskupnum Miiller tókst ekki að halda
þeim saman. Síðan hefir ríkisnefnd verið starfandi, mest 1 i 1
þess að undirbúa nýjar kosningar til ríkisþings, en þó aftur og
aftur slegið þeim á frest, til þess að láta ekki koma i ljós sundr-
ung þá, sem ríkir innan kirkjunnar. Þar við bætist, að ýmsir
stjórnarandstæðingar höfðu gert kirkjuna að bækistöð fyrir ýms-
ar herferðir gegn stjórninni, sem eins og nú standa sakir í
Þýzkalandi geta ekki endað öðruvísi en með ósigri stjórnar-
andstæðinga. Þýzka stjórnin út af fyrir sig gerði aðeins eitl:
Hún setti inn kirkjumálaráðherraf Kerrl), sem eiginlega hefir
ekki annað að gera en vaka yfir því að hagsmunum ríkisstjórn-
arinnar verði ekki á neinn hátt blandað inn í kirkju og trúardeil-
urnar, þar sem rikisstjórnin getur hvort eð er eklci skipað neina
þjóðkirkju, á meðan kaþólska kirkjan er öðru megin, né vill taka
neina ákveðna stefnu innan 'mótmælendakirkjunnar fram yfir
aðra.
Trúardeilur innan lútersku kirkjunnar.
Þar sem kaþólska kirkjan er bundin ævagömlum venjum og
álitin óbreytanleg, er það einkum hin yngri lúterska kirkja,