Kirkjuritið - 01.01.1953, Blaðsíða 66
64
KIRKJURITIÐ
kirkjunnar, að þessar stofnanir voru reistar. Ef sagan urn
miskunnsama Samverjann hefði ekki hljómað í sál og sam-
vizku mannkynsins um aldaraðir, væru þessi mál ekki komin
í það horf meðal vestrænna þjóða, sem nú er. Þannig er það,
sem engillinn og andinn af hæðum hrærir enn þá upp það
vatn, sem til lækningar má verða þjóðunum.
Sú var tíðin, að hver maður var þjónustaður og fékk sína
síðustu smurningu af þjónum kirkjunnar undir andlátið, og
bænir og yfirlegging handa var talið engu þýðingarminna til
lífs og heilsu en lyf og læknisdómar aðrir. Á þessu varð breyt-
ing, þegar alda efnishyggjunnar tók að flæða yfir heiminn.
Þá þótti það eigi annað en broslegur hégómi að leyfa prestum
aðgang að sjúkrahúsum, og voru þeir helzt ekki tilkallaðir fyrr
en sjúklingurinn var búinn að missa ráð og rænu. Nú er aftur
orðin nokkur breyting á þessu, og eru vísindin eftir mikla
hringferð aftur farin að hallast að því, að hin andlega heilsu-
vernd er ekki síður nauðsynleg en hin líkamlega, og kann að
vera nánara samband þar á milli en haldið hefir verið um
hríð.
Kalla'Sur til þjónustu nefnist bók, sem nýlega er út komin,
eftir prest, sem um stund starfaði við St. Georges Hospital,
Hyde Park Corner, London, og hjúkrunarkonu við sama
sjúkrahús, sem fjallar um þessi efni.1)
Höfundarnir leggja áherzlu á það, að annað meginstarf
Jesú hafi verið fólgið í því að likna sjúkum og hafi hann
beinlínis lagt lærisveinum sínum slíka þjónustu á herðar.
Fjallar bókin um ýmis vandamál þjáningarinnar bæði fra
trúarlegu og heimspekilegu sjónarmiði, en einkum er rælt
um það, hvernig umgangast skal sjúka menn og hvernig hægt
sé bæði fyrir þjóna kirkjunnar, lækna og hjúkrunarlið að
létta byrðar þeirra með margvíslegu móti og færa þeim hugg'
un og styrk, hvort heldur sem er til lifs eða dauða. Hér ei
talað af reynslu og þjónustulund, og eru í bókinni margal
ágætar athuganir og leiðbeiningar fyrir alla þá, sem gert hal
hjúkrunarstarf að köllun sinni eða verða daglega að umgang'
ast sorg eða þjáningu í einhverri mynd.
Benjamín Iiristjánsson.
1) Paul Gliddon and Muriel B. Cowell: Called to Serve. London. Hod
der and Stoughton 1952 (7 s. 6 d.).