Kirkjuritið - 01.12.1953, Blaðsíða 48

270
KIRKJURITIÐ
seminnar frá 1. janúar 1939, er biskupinn tók við embætti,
og til þessa dags.
Er þá fyrst að minnast þeirra laga varðandi kirkjuna,
er sett hafa verið á þessu tímabili, og sem biskupinn átti
sinn stóra þátt í að undirbúa og fá samþykkt á Alþingi:
1. Lög um afhending dómkirkjunnar til safnaöarins i
Reykjavík og skiptingu Reykjavíkur í prestaköll (nr. 76,
7. maí 1940).
Með þeim lögum var ákveðið, að f jölga prestum í Reykja-
vík úr 2 í 6. Var samkvæmt þeim stofnuð í Reykjavík 3
ný prestaköll: Hallgrímsprestakall með 2 prestum, Nes-
prestakall og Laugarnesprestakall. Voru hinir nýju prestar
skipaðir í embætti frá 1. janúar 1941.
2. Lög um breytingu á lögum nr. J/5, 16. nóv. 1907 um
skipun prestakálla (nr. 45, 5. apríl 1948). í þeim var
ákveðið, að tveir prestar skyldu framvegis vera á Akur-
eyri, og kom það til framkvæmda vorið 1948.
3. Lög um skipun prestakalla (nr. 31, 4. febr. 1952).
Undanfari þeirrar löggjafar var sá, að 1951 voru á Alþingi
samþykkt lög um skipun prestakalla (nr. 37, 14. marz
1951), þar sem prestaköll landsins voru ákveðin 102 með
105 prestum. I lögunum sjálfum var þó jafnframt ákveðið,
að þau skyldi endurskoða þegar í stað og þeirri endur-
skoðun hraðað svo, að nýtt frumvarp um málið yrði lagt
fyrir næsta Alþingi. Átti biskup stærstan hátt í, að þessi
ákvæði komust inn í lögin á síðustu stundu.
Var síðan nefnd skipuð í málið og skilaði hún áliti sínu
fyrir næsta reglulegt Alþingi, er síðan afgreiddi hin áður-
nefndu lög um skipun prestakalla 1952, sem nú eru í gildi-
Samkvæmt þeim er tala þjónandi presta í landinu 116>
en prestaköllin 113.
Þegar biskupinn tók við störfum, voru prestaköll lands-
ins að lögum 109 með 110 prestum. I biskupstíð hans
hefir því fjölgun prestakalla orðið alls um 4, en prests-
embættin 6 fleiri nú en þá.