Kirkjuritið - 01.12.1953, Page 77

PRESTAFELAG ISLANDS
299
presta og lækna. Sagði hann frá slíku starfi í Noregi og Dan-
mörku og vildi efla slík samtök á íslandi.
Séra Björn Magnússon prófessor talaði um bókakaup til bóka-
safna prestakalla. Sagði hann, að þau bókakaup væru sífellt
að aukast og bókasöfnum prestakalla að f jölga. Á fyrra ári var
notuð að fullu fjárhæð sú, sem veitt var á fjárlögum í þessu
skyni.
Fundinum barst kveðjuskeyti frá séra Jóni Kr. ísfeld.
Þessu næst var gengið til kosninga. Úr stjórn Prestafélagsins
áttu að ganga að þessu sinni þeir séra Ásmundur Guðmundsson
prófessor og séra Sveinbjörn Högnason prófastur á Breiðaból-
stað. Voru þeir báðir endurkosnir í stjórn. Varamenn voru og
endurkosnir séra Jón Auðuns dómprófastur og séra Sigurbjörn
Einarsson prófessor.
Endurskoðendur voru endurkosnir þeir séra Sigurjón Árna-
son og séra Ásgeir Ásgeirsson fyrrv. prófastur. Varaendurskoð-
andi var kjörinn séra Jón Þorvarðsson.
Formaður sleit svo þessum aðalfundi með því að ávarpa
prestana nokkrum orðum. Þakkaði þeim mjög góða fundarsókn,
miðað við þennan árstíma, og samstarf. Minntist hann enn
biskupsins látna og fagnaði því, að fundurinn hafði stutt af
alhug áhugamál hans. Hann drap á það, hvernig biskup hefði
reynzt prestum á kirkjulegum fundum í Háskólanum. Yrði nú
gengið til altarisgöngu, heilags sakramentis kristninnar frá
upphafi um aldirnar, sem Hallgrímur Pétursson hefði lýst svo
í þessari játningu sinni til frelsarans:
í sakramentinu sé ég þig
svo sem í líking skærri
með náð mér nærri.
Við sakramentið væri treyst hið heilaga samfélag lifenda og
dáinna. Kvaðst hann vona, að biskupinn iátni væri í samfélagi
við þá alla í helgidóminum, er þeir neyttu altarissakramentis-
ins.
Séra Helgi Konráðsson prófastur tók prestana til altaris, en
Jón ísleifsson organleikari lék undir. Verður sú stund heilög
minning þeim, er þar voru.
Fundinn sóttu 50—60 andlegrar stéttar menn og margir guð-
fræðinemar.