Kirkjuritið - 01.02.1956, Blaðsíða 40

KRISTNIR ÁHRIFAMENN
CJeoffiejf Froncis fishcr
erkibiskup í Kantaraborg
Hann er prestssonur, fæddur 1887, og reyndist á unga aldri
duglegur námsmaður í Oxford. Tók prestsvígslu 1913, sætti síð-
an skjótum frama. Varð 1914 rektor Repton School og gat sér
ágætan orðstír sakir stjórnsemi og skilnings, þekkingar og kenn-
arahæfileika. 1932 var hann skipaður biskup í Chester. 1939
Lundúnabiskup. Þar gat hann sér frægðarorð, og aflaði sér mik-
ils álits fyrir ýmissa hluti. Brennandi áhugi hans á félagsmálum
og ýmiss konar umbótum, hæfileikar hans til að vera manna-
sættir komu þarna í góðar þarfir. Á styrjaldarárunum var hann
t. d. formaður kirkjulegrar nefndar, sem jafnvel kaþólskir menn
voru aðilar að, en hlutverk hennar var að beita áhrifum kirkj-
unnar til happasællar lausnar ýmissa félagslegra vandamála.
Dr. Fisher vann og af frábærum dugnaði að því að halda
uppi óslitnu kirkjulegu starfi í höfuðborginni, þrátt fyrir allt
það öngþveiti og erfiðleika, sem loftárásirnar höfðu í för með
sér. Hann hvatti og mjög til endurreisnar þeirra kirkna, sem
lagðar voru í rústir. Það hefir jafnan aukið vinsældir hans, að
þótt hann gæti að vísu vel virðingar sinnar, er hann raunar al-
þýðlegur maður að eðlisfari, og kemur vinsamlega fram við alla.
Honum er líka eiginlegt að geta tekið létt á hlutunum,
og að snúa ýmsu upp í spaug, ef svo ber undir. Ameríski
skopleikarinn Danny Kaye slapp einu sinni með mestu
naumyndum við að aka yfir dr. Fisher. Þá sagði biskup bros-
andi, þegar hinn æddi út úr bílnum: „Nú munaði engu, ungi
maður, að þér yrðuð sannarlega frægur.“ Síðar þegar Danny
lét þau orð falla í sambandi við ástamál ensku prinsessunnar,
að dr. Fisher minnti hann á kanadiskan varðhund, svaraði bisk-
up þessu til: „Þetta er verulega sniðuglega að orði komizt. En