Kirkjuritið - 01.02.1956, Blaðsíða 46

'92
KIRKJURITIÐ
Frú Helga Kaaber, ekkja Ludvigs heitins Kaabers bankastjóra, gaf
fyrir nokkru dýran hökul og tvo fagra, handsmíðaða messingstjaka til
Hellnakirkju á Snæfellsnesi. Hökulinn er gerður af frú Mörtu Kalman og
ísaumaður gotneskum krossum bæði á brjósthlið og bakhlið. — Kirkjubóndi
á Hellum er Valdemar Kristófersson, og þakkar liann þessar góðu gjafir.
Tveir guðfræðingar luku kandidatsprófi 30. f. m. Benedikt Ingimund-
ur Arnkelsson (1. eink. 183 stig) og Cuðmundur Ólafs Þorsteinsson (1. eink.
.210)2 stig). Mun hinn síðarnefndi hafa hæstu einkunn, sem gefinn hefir
verið í guðfræðideildinni.
Plófessor Fr. Heiler frá Marburg var hér á ferðinni nýlega. Viðtal
við hann birtist í næsta hefti.
Frá Grímsey. Grimseyingar eru mjög áhugasamir urn kristni og kirkju,
og hafa sýnt það bæði í orði og verki. Nýlega söfnuðu þeir fyrir orgeli í
kirkjuna svo að segja á einu kvöldi. Gaf hvert heimili frá tvö upp í fimm
hundruð krónur. A seinasta aðalfundi safnaðarins samþykktu þeir að hækka
kirkjugjaldið um helming. Þegar eitthvað hefir verið gert kirkjunni til
tekna, hafa þeir ekki látið á sér standa.
Flateyingar hafa átt kirkjusókn að Brettningsstöðum á Flateyjardal.
En nú er dalurinn allur lagstur í eyði. Er því liafinn undirbúningur að
kirkjusmíði í Flatey, og hafa eyjarskeggjar mikinn áhuga á að það tak-
ist sem fyrst. Er í ráði að taka görnlu kirkjuna á Brettingsstöðum ofan
og nota efni hennar að einhverju leyti í hina nýju kirkju. A sú kirkja að
standa á miðri eynni þaðan sem er mjög vítt og fagurt útsýni. Flateyjar-
.sókn er með minnstu og afskekktustu sóknum landsins og er ekki óliklegt,
að burtfluttir íbúar og raunar fleiri verði til að rétta hjálparhönd til þessa
verks.
Austfirzku prestarnir, séra Þorgeir Jónsson prófastur á Eskifirði og
.séra Sigurjón Jónsson í Kirkjubæ, voru á ferð í Reykjavík eftir áramótin.
Engar sérstakar kirkjufréttir sögðu þeir að austan, enda ótíð og erfiðar
samgöngur það sem af var vetri. — Séra Sigurjón, sem er 74 ára, brá sér
suður til að skíra dótturbam sitt og skeytti engu um færð né veður. Hann
kom fljúgandi frá Egilsstöðum. Sagði, að á þann hátt tæki ferðin sig 3—4
klukkustundir að heiman suður, ef allt gengi skaplega. Hefði slíkt þótt
tíðindi fyrir fáum árum.