Kirkjuritið - 01.04.1956, Blaðsíða 46

188
KIRKJURITIÐ
í fangelsi. Hann á nú lítinn garð í Búdapest og lifir á því að rækta hann.
Jafnframt gefast honum nokkrar tómstundir til andlegra iðkana. Hann
skrifaði nýlega biskupi Islands bréf það, er hér fer á eftir. — „Oft minnist
ég þings Lúterska heimssambandsins í Lundi 1947, þá er ég fann fyrsta
sinn á æfinni íslenzka kirkjumenn. Eg hygg tvö ár liðin síðan er ég frétti
lát Sigurgeirs biskups Sigurðssonar. En ég fékk ekki að vita, hver varð
eftirmaður hans. Nú er ég hefi fengið að vita það, heilsa ég yður, herra
biskup, í Drottins nafni og bið blessunar Guðs yfir störf yðar og líf. —
Hjartans þakkir fyrir bækur dr. Magnúsar Jónssonar prófessors um Hallgrím
Pétursson. Þær urðu mér til mikillar gleði, því að lengi hefir mér þótt
mikið koma til Passíusálma Hallgríms Péturssonar og æfi hans. — Ég fékk
þá fyrst vitneskju um hann, er ég las Kirkjusögu Islands eftir Jón biskup
Helgason á dönsku. Þá vaknaði ást min á kirkju íslands, og síðan bið ég
alltaf á hverju kvöldi fyrir henni. — Það eru vist tuttugu ár síðan ég skrif-
aði í ungverska kirkjuritið okkar, Haranszo, um kirkju íslands og sendi
fóni biskupi Helgasyni eintak. En ég veit ekki, hvort hann hefir fengið það.
Því miður kann ég ekki enn íslenzka tungu. Mér hefir reynzt ókleift að út-
vega mér íslenzka málfræði og orðabók. En árum saman hefi ég átt „Nýja
testamentið og sálmana“ og lýk nú við lestur þess öðru sinni. Þar sem
æfisaga Hallgríms Péturssonar er mér kunn, vonast ég til þess, að geta
smám saman skilið bókina um hann, og ef til vill einnig skilið sálma hans ut
frá Biblíumálinu. Ég hefi þegar leitazt við að lesa nokkrar blaðsíður í bók-
Magnúsar prófessors Jónssonar og komst að því mér til mikillar gleði, að
ég skildi talsvert. Ég vona, að það megi ganga betur og betur, eftir þvi
sem stundir líða. — Nú hvílir þungur kross á kirkju vorri hér á landí.
Hann hefir einnig orðið kross æfi minnar. En ég vona, að náð Guðs lati
þá tíma renna upp fyrir okkur, að við getum fundizt ef til vill og ég þa
fengið tækifæri á því að þakka biskupnum persónulega fyrir þá vinsemd,
sem hann hefir sýnt mér. Drottinn blessi biskupinn og íslenzku kirkjuna.
Yðar einl. Lajos Orclass.
Nokkrar tölur. Talið er, að kristnir menn séu um 600 milljónir, eða
þriðji hver ibúi jarðarinnar. Tala hinna helztu kirkjudeilda og kristinna
trúarflokka er sögð sem næst þessu: Rómversk kaþólskir 458,6 milljónir.
Grísk-rómverskir 150 milljónir. Lúterstrúarmenn 70 milljónir. Öldunga-
kirkjumenn (Presbyterianar) 41 milljónir (fullorðinna). Biskupakirkjumenn
30 milljónir. Endurskírendur 22 milljónir (fullorðinna). Meþódistar 16 miUj'
ónir (fullorðinna). Af smærri trúarflokkum má nefna Adventista (1 milljón)
og Kvekara (186.000).