Kirkjuritið - 01.10.1956, Blaðsíða 9

HÁTÍÐ a» hólum í hjaltadal
351
og aðra fyrirgreiðslu hinna mörgu gesta, er sóttu Hóla heim að
þessu sinni, en þau reka þar sumarhótel, sem kunnugt er.
Kl. 4.30 hófst dagskráin að nýju. Söngpalli og ræðustóli liafði
verið komið fyrir austan kirkjunnar, og fóru dagskráratriðin þar
fram, en áheyrendur sátu í brekkunni fyrir framan skólahúsið.
Kynnir var sr. Gunnar Gíslason í Glaumbæ.
Fvrst söng skagfirzki bændakórinn Heimir, stjórnandi Jón
Björnsson bóndi á Hafsteinsstöðum, einsöngvari Steinbjörn, son-
ur söngstjórans. Dr. Magnús Jónsson prófessor flutti hátíðar-
ræðu dagsins. Guðmundur Jónsson óperusöngvari söng, undir-
leikari Fr. Weisshappel. Hermann Jónasson forsætisráðherra
flutti ávarp og lýsti því yfir, að ríkisstjórnin mundi leggja fram
fé það, sem á vantar til að kaupa pípuorgel í Hólakirkju, en Al-
þingi hefir lagt fram 60 þúsund kr. í því skyni. Vald. V. Snævarr
skáld flutti frumortan sálm, helgaðan hátíðinni. Sigurður Birkis
söngmálastjóri flutti minni Jóns helga Ögmundssonar. Sr. Sig-
urður Stefánsson, prófastur á Möðruvöllum, las úr Hólaljóðum
Matthíasar Jochumssonar. Sameinaður kór sjö kirkjukóra Skaga-
fjarðar söng undir stjórn Eyþórs Stefánssonar, tónskálds á Sauð-
árkróki. Á undan þjóðsöngnum, sem var endir dagskrárinnar,
flutti Árni Sveinsson, formaður sóknarnefndar Hólasóknar, þakk-
ir Hólanefndar öllum þeim, sem unnið höfðu að hátíðadagskránni,
höfðu og flestir þeirra engin laun þegið fyrir störf sín. Sérstak-
lega þakkaði hann Sveini Benediktssyni útgerðarmanni fyrir
tvær silfurljósastikur, forkunnarfagrar, sem hann gaf kirkjunni
til minningar um foreldra sína. Voru þær á altari kirkjunnar í
fvrsta skipti þá um daginn.
Kveðjur og árnaðaróskir bárust deginum frá forseta íslands,
Berra Ásgeiri Ásgeirssyni, vígslubiskupunum sr. Bjarna Jónssyni
°g sr. Friðrik J. Rafnar og sr. Friðrik Friðrikssyni dr. theol.
á7eður var gott, að vísu fremur kalt um miðjan daginn, en
birti upp með fögru sólskini um kvöldið. Þótti mörgum dagur-
lnn hafa verið bæði hátíðlegur og ánægjulegur.
Margar hendur og margir hugir unnu að undirbúningi þessa
mots. Vil ég sérstaklega nefna kóra Skagafjarðar, karlakórinn
Heimi og kirkjukórana, sem lögðu á sig erfiði og fyrirhöfn til