Kirkjuritið - 01.10.1956, Blaðsíða 32

374
KIRK JURITIÐ
á ísafirði. í sept. 1905 fékk hann veitingu fyrir prestsembætti að
Hvammi í Dölum. Vorið 1919 sótti séra Asgeir um Helgafells-
prestakall og hlaut þar kosningu. Gegndi hann þar prestsþjón-
ustu eitt ár og var búsettur í Stykkishólmi, en hvarf þá aftur að
Hvannni 1920 eftir mjög eindregnum óskum fyrri sóknarbama
sinna þar. Þjónaði hann þar prestsstörfum eftir það, þar til hann
fékk lausn frá prestsskap í nóv. 1943 og fluttizt þá til Reykja-
víkur.
Prófastsstörfuin í Dalaprófastsdæmi gegndi sr. Ásgeir um mörg
ár og auka prestsþjónustustarfi bæði í Staðarfells- og Dagverð-
arnessóknum og Staðarhólsþingum.
Auk prestsstarfsemi gegndi sr. Ásgeir margs konar félagsstörf-
um meðan hann \ ar búsettur vestra, enda naut hann þar jafn-
an mikils trausts og álits. Um margra ára skeið var hann for-
maður í stjórn Sparisjóðs Dalasýslu og framkvæmdastjóri og for-
maður Kaupfélags Hvannnsfjarðar og endurskoðandi þess. Jafn-
framt var hann formaður Kaupfélags Stykkishólms, sem hann
stofnaði árið, sem hann dvaldi þar. Gegndi hann því formanns-
starfi um nokkur ár eftir að hann hvarf aftur að Hvammi, og
sýndi það bezt hið mikla traust, er til hans var borið til þjónustu
félagsmála.
Ungur gekk sr. Ásgeir að eiga eftirlifandi konu sína Ragn-
hildi Bjarnadóttur bónda í Ármúla. Lifðu þau hamingjusömu
hjúskaparlífi. Þrátt fyrir margra ára vanheilsu hennar reyndist
hún honum hinn bezti lífsförunautur og henni brást heldur aldrei
hin trausta hjálparhönd hans. Eftir að þau hjón fluttu hingað
suður, settist séra Ásgeir ekki í helgan stein. Auk þess, sem hann
vann hér bókarastarf í Almennum trýggingum, vann hann mikil
störf í félagi Breiðfirðinga búsettra hér í Reykjavík.
Bezt er mér, sem þetta ritar, kunnugt um formannsstarf hans
í félagi fyrverandi sóknarpresta ,sem hann gegndi frá árinu 1947
og til æviloka. Mun ekki ofsagt að í þeim félagsskap hafi hann
öll þessi ár verið lífið og sálin. í þessum litla félagsskap komu
hæfileikar hans til þjónustu í félagsmálum furðu vel í ljós, svo
sem áhugi hails, dugnaður og framúrskarandi samvizkusemi.
Sjálfur bókaði hann jafrtan fundargerðirnar heima hjá sér eftir