Kirkjuritið - 01.10.1956, Blaðsíða 17

PRESTAFUNDUR NORÐURLANDA
359
Sunnudaginn 5. ágúst kl. 4 var móttaka á Bessastöðum hjá
forseta íslands, herra Asgeiri Asgeirssyni og frú Dóru Þórhalls-
dóttur.
Var fyrst gengið í kirkju og hlýtt messu hjá sóknarprestinum,
sr. Garðari Þorsteinssyni, en á eftir flutti forseti íslands ræðu.
Carl Bay form. danska prestafélagsins þakkaði heimboð. At-
höfninni var útvarpað. Á eftir voru veitingar fram bornar í for-
setabústaðnum. Var heimsókn þessi öllum þátttakendum einkar
ánægjuleg, enda veður dásamlega fagurt.
Um kvöldið kl. 7,30 hófst veizla á Hótel Borg í boði biskups
íslands, herra Ásmundur Guðmundsson og frúar hans. Voru
margar ræður fluttar í hinu veglega samkvæmi.
Loks bauð hið nýstofnaða prestakvennafélag íslands erlend-
um konum, sem þátt tóku í fundinum, til kaffidrykkju í húsi
K. F. U. M. og K. fyrsta fundardaginn. Form. félagsins, frú Anna
Bjarnadóttir í Reykholti flutti ræðu um íslenzku kirkjuna og
störf hinnar íslenzku prestskonu. Ennfremur sátu erlendar fund-
arkonur boð biskupsfrúarinnar, frú Steinunnar Magnúsdóttur á
heimili hennar. Ferðir voru skipulagðar um bæinn til að sjá
nrerka staði og byggingar.
Tíunda prestafundi Norðurlanda lauk fyrir hádegi mánudag-
inn 6. ágúst. Skilnaðarræðu flutti sr. Jakob Jónsson, en stjórnar-
nefndarmenn fluttu ávarp. AUir létu þeir í ljós mikla ánægju yfir
fundinum, góðum kynnum af landi og þjóð og frábærri gest-
risni, sem þeir hefðu orðið aðnjótandi. Beindu þeir sérstöku þakk-
læti til form. Prestafélags íslands, sr. Jakobs Jónssonar, en hann
hafði átt mestan þáttinn í undirbúningi fundarins. Að síðustu
has hann Jóh. 17, 20—26, flutti hlý kveðjuorð og endaði með bæn.
Sama dag síðdegis lagði Brandur VI. af stað úr Reykjavíkur-
höfn, en þeir, sem eftir urðu fóru næstu daga.
Frá þeim degi, er fvrstu gestirnir komu, þar til hinir síðustu
hvöddu, var veður hið fegursta, sólskin alla daga og kvöldfeg-
llrð í Reykjavík frábær. Var það sérstakt lán, að svo skyldi viðra,
enda átti það mikinn þátt í ánægjulegri dvöl fundarmanna.
Er þess að vænta, að þessi 10. norræni prestafundur, sem er
nterkur viðburður í kirkjulífi voru, verði til heilla kirkju vorri.