Eimreiðin - 01.01.1963, Blaðsíða 17

EIMREIÐIN
5
er ekki reynsluveruleiki í sögunni. Þær mótsagnir, sem mannleg
vitund hefur jafnan og hlýtur alltaf að skynja, eins og áður er
bent á, verða hér hrikalega stórbrotnar: Maðurinn, sem Guð hefur
skapað í sinni mynd, er í mótsögn við sjálfan sig, því að hann endur-
speglar ekki eðlisfar skapara síns. Og hann ber ábyrgð á þessu
sjálfur, hann bregzt, fellur frá ákvörðun sinni, er syndari. í þessu
sterka ljósi birtist maðurinn í 3. kafla Biblíunnar, í syndafallssög-
nnni, sem er eins konar dæmisaga, hliðstæð sögu Jesú um glataða
soninn. Hvorug er saga um einstakling eða um sagnfræðilegan
atburð, báðar segja við mannkyn, við mig og þig: Þú hefur villzt
frá sjálfum þér, látið lokkast til falls, í útlegð frá Guði þínum. Svo
mikill ertu, að þú gazt þetta og berð ábyrgðina sjálfur, en hins
vegar miklu minni og hilltari en svo, að þú rísir undir því, hvernig
þú hefur farið með þig eða getir sjálfur leiðrétt skekkjuna í dæmi
h'fs þíns.
Sannleikurinn um manninn, eins og guðfræðin sér hann í ljósi
þeirrar opinberunar, sem hún miðar við, verður ekki tjáður með
óðru móti en fullri áherzlu á tvær andhverfur. Öll Biblían er
annars vegar vitnisburður um hinn sanna mann, mynd hans er
dregin upp í hverri guðlegri köllun og kvöð, hún birtist í þeim
geislum himneskra hugsjóna um mannlegt líf, sem koma fram í
kröfunum um kærleik, hreinleik, fórnfýsi, jöfnuð, bræðralag. Og
hins vegar er Biblían öll saga um hinn ósanna mann, sem afneitar
hugsjón sinni, bregzt þeirri köllun að elska Guð sinn af öllu hjarta,
óuga og rnætti og náungann eins og sjálfan sig.
Þessi sannleikur blasir við skýrast og endanlega ótvírætt í sögu
og umhverfi Jesú frá Nazaret. Þar mætast hinn sanni maður og
hinn ósanni, myndin hrein og myndin vanskijpuð, hinn „gamli
maður“ og hinn „nýi maður“, Adam og Kristur. Þeim er stefnt
saman á krossgötum allrar sögu. Og þeim er beint að augum hvers
og eins, sem nemur boðskap fagnaðarerindisins og við hann sagt:
Þarna sérðu sjálfan þig, mynd þína rétta, sem er ekki þín í reynd,
mynd þína ranga, sem Jréi hefur gert að þinni. Afneita Jdií afmyndun
þinni og játast þinni sönnu mynd. Að játast lienni er að gangast
undir umskapandi vald þess frelsara, sem leysir manninn frá sjálf-
um sér til þess að koma honum til sjálfs sín. Því að þú eygir ekki
aðeins þína réttu, mannlegu mynd í hugarfari Jesú frá Nazaret.
Hann er ímynd hins ósýnilega Guðs þíns, sem elskar ekki aðeins
hugsjón sína í þér, heldur sjálfan þig eins og þú ert,