Eimreiðin - 01.04.1974, Blaðsíða 4

EIMREIÐIN
Að móta forsendur
morgundagsins
Umæður um efnahagsmál hafa verið efst á baugi undanfarnar vikur.
Þjóðin horfist í augu við mikil átök á komandi mánuðum, ef takast á
að ná stjórn á efnahagsmálunum á nýjan leik. Það er því mikils um
vert, þegar fram koma hugleiðingar og tillögur í þeim anda, sem rit-
gerð Gunnars Tómassonar hagfræðings í þessu hefti Eimreiðarinnar er
skrifuð.
Ritgerð þessi er gleðileg tilbreytni frá daglegu þrasi stjórnmálaflokk-
anna um, hverjum kenna ber um vandann. Hún sker sig úr vegna þess,
að hér eru settar fram tillögur til úrlausnar vandans, samhliða því að
vandinn er skilgreindur. Hún dregur fram í dagsljósið þá staðreynd,
að við höfum lengi verið að berjast við afleiðingar verðbólgunnar, en
höfum ekki að sama skapi eytt kröftum okkar til þess að vega að raun-
verulegum orsökum hennar. Hér er reynt að draga upp mynd af þróun
verðbólgunnar, líkt og læknir lýsir dreifingu hættulegs sjúkdóms um
líkama manns. í tillögunum er bent á, hvernig reynt skuli að lækna
sjúklinginn í stað þess að fylla hann sífellt meir og meir af deyfilyfjum,
sem augljóslega geta ekki til lengdar haldið kvölunum í skefjum.
Efnahagsmál hafa lengi verið þorra þjóðarinnar torskilin. Hagfræðin
sem vísindagrein hefur ekki notið þess skilnings, sem nauðsyn krefur.
Ástand efnahagsmála fslendinga í aag, leiðir þó í ljós, að á næstu árum
verða íslendingar að hyggja meir að þeim grundvallaratriðum, sem hag-
fræðin setur hverju þjóðfélagi. Það hvarflaði ekki að okkur að setjast
upp í flugvél, þar sem okkur væri sagt, að flugmaðurinn væri bóndi,
sem væri að fara sína jómfrúarferð í loftin blá og hefði ekki áður
nálægt slíku instrúmenti komið. Efnahagsmál lúta ákveðnum lögmálum,
svo sem flest annað í þróuðu samfélagi, og stjórnvöld eru til þess kjörin
á hverjum tíma að gæta hagsmuna okkar, ekki aðeins með 4 ára skamm-
tímasjónarmið í huga, heldur langtíma heillavænlega þjóðfélagsþróun.
Það er því ánægjulegt, þegar fram koma tillögur og skoðanir hag-
fræðings, sem stendur fyrir utan hið daglega umrót íslenzks þjóðfélags,
en hefur samt sem áður góða þekkingu á aðstæðum. Hér er vandamálið
brotið til mergjar á vísindalegan hátt, þar sem ekki er verið að hlaupa
eftir pólitískum forsendum dagsins í dag, heldur reynt að móta for-
sendur morgundagsins.
96
Magnús Gunnarsson.