Uppeldi og menntun - 01.01.1995, Blaðsíða 40

ÁFENGISNEYSLA REYKVÍSKRA UNGLINGA
Áhrif stéttarstöðu foreldra á áfengisneyslu unglinga reyndust ekki fyrir hendi.
Kynbundinn munur kom sjaldan fram og er hans einungis getið þegar hann var
marktækur. Áhrif fjölskyldugerðar reyndust heldur ekki skipta verulegu máli en
þeirra er getið síðar í þessum kafla.
í framsetningu á niðurstöðum var leitast við að halda orðalagi spuminga úr
spumingalista eins og kostur var.
Áfengisneysla unglinga
Fjöldi utiglinga sem neytir áfengis
Unglingamir voru spurðir hvort og þá hve oft þeir hefðu drukkið a) áfengi á
ævinni og b) síðastliðna tólf mánuði. Meðal 14 ára unglinga sögðust 34% (430
einstaklingar af 1281) aldrei hafa prófað að drekka. Þessi niðurstaða er kynnt í Töflu
1. Hlutfall þeirra sem aldrei höfðu prófað að drekka áfengi lækkaði niður í 23% (250
einstaklingar af 1098) þegar þeir voru orðnir 15 ára.
Tafla 1
Að hafa prófað áfengi
Hefur þú prófað áfengi?
Aldur Aldrei % 1-2 skipti % 3-5 skipti % 6-9 skipti % Oftar % Samtals % Fjöldi svara
14 ára 34 25 13 8 20 100 1281
15 ára 23 16 13 11 37 100 1098
Fjöldi þátttakenda 1994: N=1295; 1995: N=1103.
Álykta má sem svo að sá hópur sem hefur prófað að drekka 1-2 sinnum en hefur
ekki drukkið síðastliðið ár hafi rétt smakkað vín án þess að hefja neyslu í framhaldi
af því og því megi telja hann til hópsins sem drekkur ekki. í ljós kom að 7% 14 ára
unglinga og 5% þegar þeir voru 15 ára höfðu prófað að drekka 1-2 sinnum á ævinni
en drukku ekki síðastliðið ár. Samkvæmt þessari túlkun má því segja að um 41% 14
ára unglinganna drekki ekki og sama gildir um 27% þeirra þegar þeir eru orðnir 15
ára. Það er því ljóst að stór hópur 14 og 15 ára unglinga drakk ekki. Miklar líkur eru
þó á því að þetta hlutfall sé enn hærra, þar sem hluti þeirra sem sagðist hafa prófað
að drekka 1-2 sinnum á ævinni og gerði það á síðastliðnu ári er sjálfsagt ekki
byrjaður að drekka í raun. Nánari upplýsingar þyrfti til að átta sig á hvert hlutfall
þessa hóps er. Benda má þó á að meðal 14 ára unglinganna sögðust 51% ekki
drekka þegar þeir voru spurðir hve mikið þeir drykkju venjulega í hvert skipti og
38