Uppeldi og menntun - 01.01.1995, Blaðsíða 88

SKÓLASAFNSFRÆÐI - SÉRSTÖK NÁMSGREIN
hlutanám með sex stundir á viku í tvær annir. í Noregi er námið skipulagt sem eins
árs nám, en getur verið sveigjanlegt, t.d. er unnt að teygja það yfir þrjár annir (sjá
Töflu 3).
I svari frá Kennaraháskóla Danmerkur kemur fram að námið er skipulagt í
afmörkuðum sjálfstæðum námskeiðum sem tekin eru í ákveðinni röð (sjá Töflu 3).
Aftur á móti kemur fram í svari frá Háskólanum á Ögðum að litið er á námið sem
eina heild ef frá eru talin námskeið í flokkun og skráningu.
Sé litið nánar á inntak og skipulag námsins kemur í ljós enn frekari munur á
þessum tveimur löndum. Við Kennaraháskóla Danmerkur er náminu skipt í níu
mislöng námskeið en við Háskólann á Ögðum er námið skipulagt út frá þremur
meginþemum.
I námskrá frá Kennaraháskóla Danmerkur (Kursusplan. Skolebibliotekarud-
dannelsen 1993) eru upplýsingar um hve margar stundir eru áætlaðar í fyrirlestra,
umræður og hópvinnu í hverjum námsþætti en í námskrá frá Háskólanum á
Ögðum (Fagplan for skolebibliotekkunnskap 1994) eru hins vegar upplýsingar um
hvemig hver námsþáttur er metinn í einingum. Þar sem námið í Noregi er gefið
upp sem 10 eininga nám sem jafnframt er metið til 200 stunda má ætla að á bak við
hverja einingu standi að jafnaði 20 stundir á stundaskrá. Athygli skal vakin á því að
í Noregi eru einingar í háskólanámi taldar öðruvísi en hér. Þar er fullt háskólaár að
jafnaði talið til 20 eininga, en til 30 eininga hérlendis.
Við samanburð kemur í ljós að í báðum þessum skólum er lögð mikil áhersla á
þekkingu á gögnum: barna- og unglingabókum, fræðiritum og nýsigögnum. í nám-
inu í Danmörku er tekið á þessu efni á námskeiðunum Bókmenntir fyrir börn og
unglinga (48 stundir) og Fræðirit og önnur gögn (40 stundir) og í Noregi á námskeið-
inu Bækur og önnur gögn (3 einingar eða 60 stundir). í Danmörku er enn fremur
sérstakt námskeið sem heitir Þemavinna (48 stundir) um notkun bóka og nýsigagna
og jafnframt námskeiðið Bókasafnsfræðsla (4 stundir) sem fjallar um söfn og safnkost,
en þessa þætti er ekki að finna í náminu í Noregi.
I báðum skólunum er gerð grein fyrir skólasafninu í ljósi skólaþróunar, laga og
reglugerða. Námskeiðið Skólasafnið í námi og kennslu er 3 einingar (60 stundir) í
Háskólanum á Ögðum og danska námskeiðið Skólasafnið og skólasafnskennarinn, þar
sem tekið er m.a. á þessu efni, stendur í 24 stundir. Bókasafnsfræðileg störf hafa
nokkurt vægi í náminu í báðum skólunum. í Noregi eru efninu gerð skil á nám-
skeiðinu Bókasafnsfræði (2 einingar eða 40 stundir) og í Danmörku á námskeiðinu
Reglur um flokkun, skráningu og gagnaleit í gagnabönkum (40 stundir). í Danmörku er
mikil áhersla lögð á framleiðslu gagna í gagnasmiðju, þ.e. námskeiðið Gagnasmiðja
og framleiðsla gagna (60 stundir), en ekkert slíkt er að finna í náminu í Noregi, og
virðist sem þessi þáttur námsins skilji löndin hvað mest að.
Við Kennaraháskóla Danmerkur er lögð áhersla á að skólasafnskennurum, sem
lokið hafa grunnnámi sem jafnframt er skyldunám í skólasafnsfræði, bjóðist fram-
haldsnámskeið af ýmsu tagi. Oftast er um að ræða tveggja vikna námskeið, en í
sumum tilvikum eru þau lengri. Þessi námskeið eru mjög vel sótt og komast færri
að en vilja. í Noregi eru slík framhaldsnámskeið að jafnaði ekki í boði fyrir skóla-
safnskennara (Björshol 1988:29).
86