Uppeldi og menntun - 01.01.2003, Qupperneq 20

ÞRÓUN HLJÓM-2
Mynd 2
Tengsl árangurs á HUOM-2 við árangur á Les II
Tengsl árangurs á HUÓM-2, Les I og Les II við ýmsa þætti
Fyrir utan niðurstöður prófanna liggja fyrir upplýsingar um börnin og aðstæður
þeirra, byggðar á spurningalista sem foreldrar fylltu út við upphaf rannsóknarinnar.
Þegar svör foreldra eru borin saman við árangur á HLJÓM-2, Les I og Les II koma í
ljós tengsl milli margra þátta. í úrvinnslu á þessum samanburði var niðurstöðum
breytt í staðalgildi (Z scores)1 til þess að auðveldara væri að bera niðurstöður ólíkra
prófa saman.
Foreldrar voru spurðir um þætti tengda málþroska barnanna, s.s. hvort þeir teldu
málþroska þeirra góðan eða slæman, hvenær fyrstu orðin komu og hvenær ókunn-
ugir hefðu skilið barnið. Tengsl fundust milli mats foreldra á málþroska barnsins og
árangurs á HLJÓM-2, Les I og Les II. Þessar niðurstöður eru sýndar á mynd 3. Lárétti
ásinn á mynd 3 sýnir mat foreldranna en lóðrétti ásinn sýnir árangur á prófum sem
börnin tóku. Táknin í miðju hvers lóðrétts striks á myndinni eru meðaltalið. Það er
kassi fyrir Les I, hringur fyrir Les II og þríhyrningur fyrir HLJÓM-2. Það sést t.d. á
myndinni að meðaltöl á prófunum hjá þeim börnum sem foreldrar töldu að hefðu
slakan málþroska er rétt neðan við -0,5 á Les I og II og á HLJÓM-2. Myndir 4-8 eru
sambærilegar við mynd 3 nema að mismunandi þættir eru á lárétta ásnum.
1 Staðalgildi (Z score) hefur meðaltal 0 og staðalfrávik 1. Sé staðalgildi lægra en 0 þýðir það að ár-
angur er undir meðallagi miðað við árangur annarra í hópnum en ef það er yfir 1 þýðir það ár-
angur yfir meðallagi.
18
J