Uppeldi og menntun - 01.01.2003, Blaðsíða 131

JÓNÍNA SÆMUND5DÓTTIR
hvort þeir kenndu sér ekki eins mikið um eftir greiningu. Að lokum var kannað
hversu sammála foreldrarnir væru því að greining gerði samvinnu við skóla/leik-
skóla auðveldari.
Mynd 8
Ahrif greiningar á líðan foreldra og samvinnu við skólakerfið
i
n Léttir fargi
■ Meiri trú á að hægt sé að
vinna með barnið
■ Kenni mér ekki eins mikið um
■ Auðveldar samvinnu við
skólakerfið
Hér má sjá mjög ótvíræðar niðurstöður: Yfirgnæfandi meirihluti foreldra er sammála
því að greining létti af þeim fargi, þeir hafi meiri trú á að þeir geti unnið markvisst
með barnið eftir greiningu og það dragi úr sjálfsásökunum, auk þess sem langflestir
telja að greining auðveldi samvinnu við skóla og/eða leikskóla. Athyglisvert er að
um eða yfir 50% svarenda velja svarmöguleikann „mjög sammála" við öllum spurn-
ingunum. Samkvæmt þessu virðist því ekki blöðum um það að fletta að greining
barns breytir mjög miklu fyrir líðan foreldra til hins betra að þeirra mati, auk þess
sem greining gerir samvinnu við skóla auðveldari að mati foreldranna.
Samvinna við skólakerfið
í viðtölum við foreldra í forrannsókninni kom greinilega fram að skólaganga barns-
ins og samskipti við skóla voru foreldrum ofarlega í huga og foreldrar virðast gjarnan
lenda í því hlutverki að vera talsmenn barnsins gagnvart skólakerfinu. Af því virðist
ljóst að samvinna við skólakerfið hefur áhrif á líðan foreldra. Því var valið að kanna
álit þeirra á samvinnu við skólakerfið og hvernig þeim fyndist skólinn bregðast við
ofvirkum börnum. I viðtölum við foreldrana kom fram að þeim fannst oft á tíðum að
þekkingu og skilningi starfsfólks í skólakerfinu á ofvirkum börnum og vanda þeirra
væri ábótavant. Því þótti höfundi forvitnilegt að athuga hversu algeng þessi skoðun
væri meðal foreldranna og hvort munur kæmi fram eftir því hvaða aðilar í skólakerf-
inu ættu í hlut. Foreldrar voru því beðnir að taka afstöðu til nokkurra aðila í skóla-
kerfinu með tilliti til hvort þeir hefðu nægilegan skilning á ofvirkni. Mynd 9 sýnir
niðurstöður svara foreldranna.
129