Uppeldi og menntun - 01.01.2003, Page 129

Mynd 5
Áhyggjur
JÓNÍNA SÆMUNDSDÓTTIR
° Áhyggjur af framtíð barns
* Áhyggjur vegna systkina
■ Meiri áhyggjur vegna
fjármála
Algengast er að foreldrar hafi áhyggjur af framtíð barnsins. Eins og sjá má á mynd 5
eru um 90% foreldra mjög sammála eða frekar sammála því að þeir hafi áhyggjur af
framtíð barnsins, þar af um 55% mjög sammála. Um 80% eru sammála því að hafa
áhyggjur af systkinum ofvirka barnsins, þar af eru 43,6% mjög sammála. Það eru hins
vegar ekki nema 35% sem segjast hafa meiri áhyggjur af fjármálum eftir að þeir eign-
uðust ofvirkt barn (tæp 15% mjög sammála). Mikill meirihluti foreldra hefur því
áhyggjur af framtíð ofvirka barnsins og systkinum þess og rúmlega þriðjungur telur
sig hafa meiri fjárhagsáhyggjur eftir en áður.
Að lokum var spurt hversu oft foreldrarnir teldu það að takast á við barnið heima
fyrir, hvernig barninu gangi í skóla og hvernig því vegni félagslega hefði valdið þeim
áhyggjum og vanlíðan.
Áreiðanleiki þessa undirkvarða var mældur með Cronbachs alpha og reyndist
vera 0,59. Auk þessa var reiknaður áreiðanleiki allra þeirra staðhæfinga sem ætlað
var að meta áhyggjur, þ.e. undirkvarða sem samanstendur af öllum þeim staðhæf-
ingum sem eru á myndum 5 og 6. Cronbachs alpha úr þessum sameinaða undirþætti
reyndist vera 0,55.
Mynd 6
Þættir sem valda foreldrum óhyggjum og vanlíðan
127