Ægir - 01.04.1993, Page 4

Hvalveiðar
UR POÍ{U)VI
rJUKIiVlAIA
UTJORA
Stjórn Fiskifélags Islands hefur tekið skýra afstöðu til
hvalveiða. Með fréttatilkynningu sem hún hefur sent frá
sér, og birt er hér að neðan, eru íslensk stjórnvöld hvött til
að heimila hvalveiðar á ný. Á Fiskiþingum sl. tvö ár hafa
verið santþykktar tillögur og ályktanir er lúta að eðlilegri
nýtingu auðlinda í hafinu umhverfis ísland, þ.m.t. að
veiðar verði hafnar á hvölum, bæði hrefnu og stærri hvöl-
um, enda mæli niðurstöður úr vísindalegum rannsóknum
með veiðum. Á umhverfismálaráðstefnu Sameinuðu þjóð-
anna í Rio de Janero 1992 komust þjóðir heims að sam-
eiginlegri niðurstöðu urn að nýta beri auðlindir sem til eru
í heiminum á skynsamlegan hátt og tekið verði tillit til
sérstöðu og sérréttinda minnihlutahópa og frumbyggja.
Það er skrítin stefna, og hefur verið kölluð hentistefna, að
samþykkja hástemmdar yfirlýsingar, en neita síðan að
íylgja þeirn ef viðkomandi þjóð hentar það ekki vegna á-
kveðinna hagsmuna. í þessu sambandi eru Bandaríkja-
menn nærtækasta dæmið. Islendingar hljóta að benda á
þennan sáttmála og þær þjóðir sem hafa staðfest hann
hljóta að miða sína stefnu, m.a. í hvalamálum, við hann.
Vert er að benda á að hvalir og selir þurfa mikla fæðu
og yfir helmingur hennar er fiskur sem er úr sömu fisk-
stofnum og við íslendingar höfum kvóta á og erum að
vernda. Það er því hjákátlegt að á sama tíma og rifist er
um hvert kíló af fiski úr sjó og talað er um eyðingu heilu
byggðarlaganna geta villt
dýr eins og hvalir étið lyst
sína - en áætla má að fæða
þeirra sé meiri en allur afli
okkar Islendinga. Nú er
ljóst að hvölum fer fjölg-
andi og er svo komið að
trillusjómenn óttast ágang
þessarra skepna við smáa
báta sína. Því er eðlilegt
að veiða þessar tegundir
og ekki síst með það í huga að fiskstofnar okkar fara
minnkandi á sama tíma og hvölum fjölgar.
Bandaríkjamenn hafa gerst sjálfskipaðir verndarar hvala
og ganga nú svo Iangt að hóta sjálfstæðum þjóðum við-
skiptaþvingunum fari þær ekki að vilja þeirra. Það ef
einnig orðið ljóst að engin rök, hvorki vísindaleg né önn-
ur, hreyfa við stefnu bandarískra stjórnvalda, heldur eru
þau hunsuð og algjör friðun skal ríkja, þar sent hvalir eru
ímynd góðu skepnunnar sem gerir engum mein. Þessar
hótanir Bandaríkjamanna eru móðgun við sjálfstæða þjúð
og ber að mótmæla mjög harðlega um leið og íslensk
stjórnvöld eiga að heimila hvalveiðar innan þeirra marka
sem vísindalegar niðurstöður setja.
Bjarni Kr. Grímssori
ÁLYKTUN
Stjórn Fiskifélags íslands gagnrýnir harðlega framkomu Bandaríkjastjórnar gagnvart okkur íslending-
um varöandi afstöðu íslendinga til hvalveiða og beinir því til ríkisstjórnar íslands að hún mótmæli taf-
arlaust þessum afskiptum bandarískra stjórnvalda af innanríkismálum okkar íslendinga og hótunum
þeirra um viðskiptaþvinganir.
Hótanir stórþjóðar gagnvart smáríki, eins og í þessu tilviki, eru óviðeigandi og bein afskipti af innan-
ríkismálum sjálfstæðrar þjóðar, ekki síst þegar haft er í huga að afstaða Bandaríkjamanna stangast á við
ýmsar alþjóðlegar skuldbindingar þeirra. Má sérstaklega benda á niðurstöður umhverfismálaráðstefnu
Sameinuðu þjóðanna í Rio de Janero 1992, þar sem staðfestur var réttur ríkja að nýta eigin auðlindir i
samræmi við eigin stefnu í umhverfis- og þróunarmálum. Hafi bandarísk stjórnvöld raunverulegan a-
huga á umhverfismálum þá ættu þau að láta af þeim tvískinnungi sem einkennt hefur framkomu þeirr3
oftar en ekki í umhverfismálum, eins og dæmin sýna.
Þá skorar stjórn Fiskifélags íslands á íslensk stjórnvöld að þau heimili að hefja megi hvalveiðar strax a
þeim tegundum, þar sem niðurstöður úr vísindalegum rannsóknum mæla með veiðurn, sbr. ályktun 51-
Fiskiþings 1992.
162 ÆGIR 4. TBL. 1993