Tímarit lögfræðinga - 01.03.1951, Page 10

2
Tímarit lögfræöinga
Fyrir ítrekuð tilmæli formanns Lögmannafélagsins hef
ég dregizt á það að sjá um útgáfu tímarits um lögfræðileg
efni. En það má mönnum vera ljóst, að þar með er senni-
lega tjaldað til einnar nætur, en ég vildi þó gera mitt til
þess, að slíkt tímarit sem þetta gæti hafið göngu sína.
Tilraun var að vísu áður gerð, fyrir 27 árum, til útgáfu
tímarits lögfræðinga og hagfræðinga. Það varð að deyja
vegna þess, að of fáir lögðu efni til í það. Þá voru stórum
færri lögfræðingar í landi hér en nú eru, og má því vona,
að fleiri leggi nú hönd á plóginn en þá. Er það sómi lög-
fræðingastéttar, ef hún sýnir í verki. áhuga um tímarit sitt.
Lagamenn verða margir að leggja skerf til tímaritsins.
Það verður of einhæft, ef það á að lifa til lengdar á tillagi
aðeins örfárra manna.
Kennimenn þjóðkirkjunnar hafa um skeið haldið úti
tímariti um kirkjunnar mál og ýmis önnur „andleg“ mál.
Læknastéttin hefur um langt skeið gefið út blað um mál-
efni sín. Verkfræðingafélagið hefur gefið út lengi mjög
myndarlegt tímarit. Munu stéttir þessar allar vera fámenn-
ari en lögfræðingastéttin er nú orðin, og þó hafa þær
haldið úti ritum sínum óhindrað. Þær hafa haft áhugann,
og það hefur dugað. Hví skyldi lögfræðingum þá ekki tak-
ast að halda sínu riti úti?
Tímarit lögfræðinga þarf að vera fjölbreytilegt. Fyrst
og fremst þarf það að flytja alls konar ntger'áir um lög-
fræSileg efni, hæfilega langar, svo að þær verði tímaritinu
ekki ofviða. Þá eiga heima í því fregnir af aðgerðum dóm-
stóla landsins, af setningu mikilvægra laga og af aögerð-
um framkvæmdavaldsins um framkvæmd laga, t. d. skatt-
stjórnvalda o. s. frv. Þá eiga heima í tímaritinu greinar-
gerðir um lögfræðirit, sem út koma hér eftirleiðis. einkum
þau, er ritstjórn þess kunna að verða send, minningar dá-
inna lagamanna, sem að hefur kveðið í starfi þeirra eða
þjóðfélagsmálum annars. Rökræöum um lagasetningu og
lagask'firing á auovitað að veita rúm í tímaritinu, ef þær
fullnægja sjálfsögðum skilyrðum um efni og búning, enda