Tímarit lögfræðinga - 01.01.1955, Side 22

Ólafur Jóliannesson, prófessor:
Þjóðréltarnefnd Sameinuðu þjóðanna.
Á vegum Sameinuðu þjóðanna starfar svokölluð þjóð-
réttarnefnd („The International Law Commission“). Sú
nefnd og starfsemi hennar mun lítt kunn hér á landi. Þjóð-
réttarnefndin hefur þó merkilegt verk að vinna og starf-
semi hennar verður vafalaust mikilvæg í framtíðinni, þótt
enn sé hún skammt á veg komin svo sem eðlilegt er. Nefnd
þessi fjallar og nú um málefni, sem íslendingum er hug-
stætt, en það er landhelgi ríkja. Sýnist því ástæða til að
kynna nefndina hér. Verður því hér á eftir sagt lítið eitt
frá þjóðréttarnefndinni — skipun hennar, starfsháttum
og verkefnum.
Samkvæmt 13. gr. stofnskrár Sameinuðu þjóðanna skal
Allsherjarþingið koma af stað rannsóknum og gera tillög-
ur með það fyrir augum „að efla alþjóðasamvinnu á sviði
stjórnmála og stuðla að áframhaldandi þróun þjóðaréttar
og flokkun hans.“ („Promoting international co-operation
in the political field and encouraging the progressive
development of international law and its codification“).
Það er því eitt af stefnumálum Sameinuðu þjóðanna „að
stuðla að þróun þjóðaréttar og flokkun hans.“
Á fyrsta Allsherjarþinginu árið 1946 .var kjörin sérstök
milliþinganefnd til að gera tillögur um það, hvernig bezt
væri að vinna að þessu stefnuskrármáli. Samkvæmt til-
lögu þcssarar nefndar var samþykkt á Allsherjarþinginu
1947 að setja á stofn fasta nefnd — þjóðréttarnefnd —
til að vinna að þessum málum. Jafnframt voru samþykkt-
ar starfsrcglur fyrir nefnd þessa, Ákveðið var, að þjóðrétt-
16