Tímarit lögfræðinga - 01.01.1962, Side 3

TIMARIT LOGFRÆÐINGA
1. hefti 1962
anneíóon:
Stjómarskráin og þátttaka íslands
í alþjóðastofnunum.
Afmæliserindi Háskólans flutt 14. október 1962
Hér verður fyrst og fremst fjallað um þá spurningu,
hverjar skorður stjórnarskráin setji aðild íslands að al-
þjóðastofnunum. Er þá með alþjóðastofnun átt við hvers
konar þjóðabandalag og stjórnarstofnanir þess, hvort sem
aðildarríkin eru mörg eða fá. Jafnframt verður vikið
að þeirri spurningu, hvort skuldbindingar gagnvart al-
þjóðastofnunum geti leitt til þess, að landið verði elcki
lengur talið fullvalda i þjóðréttarlegum skilningi. Loks
verður lítillega athugað, hvort þörf sé á nýjum stjórn-
lagaákvæðum vegna aukinnar þátttöku íslands i alþjóð-
legu samstarfi.
Það er eðlilegt, að þvílíkar spurningar vakni um þess-
ar mundir. Við stöndum nú andspænis örari þróun á
sviði þjóðaréttar og alþjóðasamvinnu en átt hefur sér
stað áður. Margvislegri milliríkjasamvinnu hefur fleygt
fram síðustu áratugina, einkanlega eftir heimsstyrjöld-
ina síðari. Það hefur verið stofnað til víðtækari, fjöl-
breytilegri og valdameiri alþjóðasamtaka en nokkru sinni
fyrr. Millirikjasamningar hafa sivaxandi áhrif á setn-